دليلك لويك إند سعيد: هنختم 2018 مع أقوى حفلات وأجمل فنانين
احمد عزمي ادهم سليمان اراجيد استيدج اغاني الحضرة انشاد انغام اوركسترا تمثيل دبر 1718 رووم ساقية الصاوي سيناتراس عسيلي فرانك كريستال بالاس منى بوركهارد نوبي ورشة ويك اند يسرا الهواري
Cairo 360
الويك إند ده مميز عن أي واحد تاني، لأنه جي وسط احتفالات الكريسماس والسنة الجديدة. ده غير إنه آخر ويك إند في 2018. وعلشان كده حفلاته كلها مميزة، يلا بينا نشوف هنقضيه إزاي:
نبدأ بالنهارده الخميس، الفنانة “أنغام” هتحيي حفلة الكريسماس، في دار “كريستال بالاس” في صلاح سالم. الحفلة هتبدأ الساعة 9 مساءً. وسعر التذكرة بيبدأ من 500 جنيه.
“أدهم سليمان” هيقدم حفلة غنائية في “استيدج الزمالك”. الحفلة هتبدأ الساعة 6:30 مساءً. وسعر التذكرة: 75 جنيه.
أما السوق الشرقي في الرحاب 2، ميعادكم مع الفنان “محمود العسيلي“. ومجموعة من أجمل أغانيه. الحفلة هتبدأ الساعة 9 مساءً.
نروح للجمعة، وحفلة نوبية من الطراز الأصيل، هتقدمها فرقة “أراجيد” في ساقية الصاوي. الحفلة هتبدأ الساعة 5 مساءً. وسعر التذكرة: 50 جنيه.
“مزيكا في السطح” في درب 1718 هتستضيف حفلة غنائية لـ “منى بوركهارد“، وأوركسترا لاس إنكانتادراس. الحفلة هتبدأ الساعة 8 مساءً. وسعر التذكرة: 75 جنيه.
رووم آرت سبيس في جاردن سيتي، هيكون حفلة غنائية ليسرا الهواري. الحفلة هتبدأ الساعة 8 مساءً. وسعر التذكرة: 100 جنيه.
وصلنا ليوم السبت، وفيه هنسمع أجمل الأناشيد الدينية من فرقة “الحضرة“، في ساقية الصاوي. الحفلة هبتدأ الساعة 7 مساءً. وسعر التذكرة: 75 جنيه.
فريق “السيناتراس” هيقدم أجمل أغاني فرانك سيناترا، في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.
لكل اللي بيحبوا التمثيل، أكاديمية “الجيل الثالث للسينما” بتقدم ورشة تمثيل، مع الفنان أحمد عزمي. الورشة هتبدأ الساعة 6 مساءً.
الإيفينتس دي وأكتر في كل أيام الويك إند، تقدروا تعرفوها من هنا.
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
