دليلك لويك إند سعيد: مسرحية كارمن وحفل آسيا مدني وأبو الغيط والمولوية المصرية
Cairo 360
كل يوم بنعيشه نعمة ولازم نستغله أننا نعيشه مبسوطين وراضيين. الإنسان بطبعه ملول علشان كده بنحاول نساعدكم تكسروا الملل، وتكتشفوا حاجات حلوة مختلفة يمكن تلاقوا نفسكم من تاني وتنبسطوا.
نبدأ بالنهارده الخميس، ومن ضمن سلسلة فعاليات "محاورات أوزيريس" هتستضيف أوزيريس آرت سبيس في جاردن سيتي لقاء مفتوح مع الكاتب الكبير صنع الله إبراهيم، والدعوة عامة. كمان المسرح الكبير بدار الأوبرا المصرية فيه عرض للباليه يحمل اسم "كارمن" تقدمه فرقة أنطونيو جاديس من إسبانيا يوميًا في الثامنة مساءً في الفترة من 25 إلى 28 أكتوبر الجاري، وأسعار التذاكر 150 – 200 – 250 جنيه. أما في ساقية الصاوي بالزمالك فيه عرض "المولوية المصرية" بقيادة المنشد الصوفي "عامر التوني" سعر التذكرة 35 جنيه. وفي مركز المصطبة للفنون الشعبية يستضيف مسرح الضمة حفل موسيقي لفرقة دراويش أبو الغيط لفن الزار التراثي، وسعر التذكرة 30 جنيه. كمان في رووم آرت سبيس بجاردن سيتي فيه حفل للفلكلور والغناء التراثي السوداني هتقدمه الفنانة السودانية آسيا مدني، وسعر التذكرة 50 جنيه.
وننتقل ليوم الجمعة، وفيه مجموعة الجري الأشهر في القاهرة "كايرو رانرز" فعالية جري جماعي بهدف خيري في أكتوبر، والمشاركة عامة. كمان أوزيريس آرت سبيس بجاردن سيتي عاملة احتفال تنكري بعيد الهالوين برفقة الرباعي الموسيقي "أوتار كوارتيت"، وسعر تذكرة الحضور 40 جنيه. وبرضه في مكتبة "أ" فرع المعادي الشاعر "محمد إبراهيم" هيكون موجود لتوقيع ومناقشة ديوانه الأخير "مطلوب حبيب"، والدعوة عامة. أما في مسرح أوبرا ملك بوسط البلد هتبدأ فعاليات مهرجان كيميت 20 للمسرحيات القصيرة في دورته الثالثة، العروض هتبدأ من يوم الاثنين 24 أكتوبر وتنتهي يوم الأحد 30 أكتوبر.
ونختم بيوم السبت، هتلاقوا في مسرح الهوسابير عرض استاند آب كوميدي لمجموعة من الكوميديانز الشباب يحمل اسم "أنت ودماغك"، وسعر تذكرة الحضور 25 جنيه. كمان في "جرامافون" بالمعادي فيه احتفال بالهالوين بالملابس التنكرية بعدها جلسة حكي رعب وفي الآخرفيه عرض فيلم رعب، وسعر تذكرة الدخول 40 جنيه. كمان في مسرح قاعة الحكمة بساقية الصاوي في الفترة ما بين 27 و 31 أكتوبر هتكون فعاليات المهرجان الرابع عشر للمسرح، وسعر تذكرة الحضور 15 جنيه لليوم الواحد.
لو عاوزين تعرفوا أكثر عن أحداثنا اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
