الحياة في كايرو
دليلك لويك إند سعيد: محمد رمضان في الساحل ومنير في الساقية.. وحفلات أكتر
الساقية المتفائل جيبسي جاز بروجيكت درب 1718 دوار رووم آرت سبيس سيناتراس محمد رمضان مكتبة الإسكندرية نسمة محجوب
بواسطة
Cairo 360
ويك إند جديد، يعني خروجات وسهرات مختلفة، جمعناها لك من كل حته، هتلاقيها في أجندتنا في “كايرو 360”.. تعالى نشوف هنروح فين الويك إند ده:
النهارده الخميس.. سهرة درب 1718 النهارده هتكون مع فريق “سيناتراس” واللي هيقدموا أغاني الفنان العالمي “فرانك سيناترا”. سعر التذكرة: 100 جنيه. الحفلة الساعة 8:30.
الحزب الكوميدي راجعين تاني الساعة 8 في “مكان” مع مجموعة شباب من أفضل فناني الـ “ستاند أب” كوميدي في مصر مش هيخلوك تبطل ضحك. سعر التذكرة: ١٠٠ جنيه.
الساعة 7 مسرح عرائس ساقية الصاوي هيقدم حفلة للكينج “محمد منير” على مسرح قاعة الحكمة في الساقية. سعر التذكرة: 37جنيه.
يوم الجمعة.. لو بتصيف في الساحل أو في الإسكندرية ما تنساش حفلة الفنان “محمد رمضان” اللي هيبدأ أحدث حفلاته في “بورتو مارينا” الساحل الشمالي الساعة 5 العصر.
الساعة 9 معادنا مع الاستمتاع في العرض المسرحي الغنائي الكوميدي “المتفائل” على المسرح “القومي”. العرض من بطولة “سامح حسين” و”سهر الصايغ”. أسعار التذاكر:30 ، 50 ، 70 ، 100 جنيه.
الكوميديان “علي قنديل” هيقدم حفلة ستاند أب كوميدي جديدة بعنوان “آداب قسم فيسبوك” في الساقية. سعر التيكت: 70 جنيه.
يوم السبت.. الساعة 9 معادنا مع حفلة جديدة لباند “جيبسي جاز بروجيكت” في رووم جاردن سيتي. سعر التذكرة:100 جنيه.
لو انت لسه في الإسكندرية يبقى لازم تحضر حفلة الفنانة “نسمة محجوب” اللي هتقدمها الساعة 8:30 على المسرح المكشوف في مركز الفنون التابع لمكتبة الإسكندرية ضمن فعاليات مهرجان الصيف الدولي الـ17. سعر التذكرة: 90 جنيه.
الساعة 6 معاد “قعدة غُنا” في “دوار” وسط البلد واللي تعتبر مساحة آمنة تقدر تعبّر فيها عن إحساسك عن طريق إنّك تغنّي بدون أي شروط أو أحكام أو تعليق من أي حد حتى لو صوتك وحش أو حلو فهيكون مرحّب بيك عشان تشارك في الغُنا، ولو بتعزف على أي آلة موسيقية.
كل ده وأكتر هتلاقوه في أجندة كايرو 360 اللي ممكن تتابعوها يوميًا من هنا.
مقترح
أفلام
موضوع مميز
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
موضوع مميز
