The Definitive Guide to Living in the Capital , Cairo , Egypt

طبعًا كله بكرة هيكون مأجز، وهيبقى أحلى لونج ويك إند. وعلشان كده قولنا نعمل الويك إند جايد المرة دي من يوم الأربعاء. يلا نشوف معانا إيه:

النهارده الأربعاء، فريق “الحزب الكوميدي” هيقدم حفلة استاند أب كوميدي في “استاش بار”. الحفلة هتبدأ الساعة 9:30 مساءً.

فرقة “مزاهر” هتقدم عرض الزار والفنون الشعبية في مكان. الحفلة هتبدأ الساعة 8 مساءً. وسعر التذكرة: 50 جنيه.

لو بتحب المسرح، فريق “أتيليه المسرح” هيقدم مسرحية “الحلم رقم 11” على مسرح الهوسابير. والعرض هيبدأ الساعة 6 مساءً.

أما بكرة الخميس، فرقة “إيجيبادور” هتقدم حفلة غنائية في رووم آرت سبيس. الفرقة بتتكون من فنانين من جنسيات مختلفة. الحفلة هتبدأ الساعة 9 مساءً.

شوية ضحك هيطلعوا من القلب، مع حفلة استاند أب كوميدي هيقدمها “علي قنديل” على مسرح النهر في الساقية. الحفلة هتبدأ الساعة 7:30 مساءً.

لو غاوي أفلام هندي، مسرح النهاجر هيعرض فيلم “Zindagi Na Milegi Dobara“. العرض هيبدأ الساعة 6 مساءً.

ندخل على يوم الجمعة، اللي هيكون فيه حفلة “دايرة الطبول” في مركز جسور. طلع فيها كل مواهبك في الطبلة. الحفلة هتبدأ الساعة 6 مساءً.

أحلى ميكس مزيكا هنسمعه من فريق “سحاب” في رووم آرت سبيس. الفريق بيقدم مزيكا شرقي وجاز ولاتين وكلاسيك. الحفلة هتبدأ الساعة 8:30 مساءً.

مسرح النهار في وسط البلد، هيستضيف مسرحية ديزني “طرزان” بالعربي. العرض هيبدأ الساعة 5 مساءً.

وصلنا ليوم السبت، وفيه “رامي عطا الله” هيقدم حفلة أكوستيك في رووم آرت سبيس. الحفلة هتبدأ الساعة 9 مساءً.

مركز الهناجر هيستضيف مسرحية “أيام صفراء“، اللي بتنظمه المؤسسة الثقافية السوسرية في القاهرة. العرض هيبدأ الساعة 8 مساءً.

وطبعًا عشاق الكتب والقراءة، يقدروا يستمتعوا بمعرض “سور الأزبكية“. اللي فيه تخفيضات بتوصل لـ 70%. ومستمر لحد 15 فبراير.

كل ده وحفلات تانية أكتر هتلاقوها في أجندة كايرو 360 من هنا.