The Definitive Guide to Living in the Capital , Cairo , Egypt

القاهرة فيها فرص كتير للخروج، اعرفوا أهم الأنشطة اللي هتحصل من النهارده ولحد يوم السبت من أجندة كايرو 360.

ونبدأ بالنهارده الخميس، في روم أرت سبيس فيه سهرة جاز خاصة هتغني فيها الفنانة نهى فكري وهيعزف فيها ماتييس نيلسون وأندريه سيجون، وسعر التذكرة 50 جنيه.

ولمحبي أغاني أم كلثوم، عرض “أم كلثوم تعود من جديد” بعرائس الماريونت، في قاعة الحكمة في ساقية عبد المنعم الصاوي، وسعر التذكرة : ٢٠ جنيه.

ولعشاق الأعمال الفنية النادرة، معرض سوما للفنون في الزمالك، هيستضيف معرض “أعمال من الثمانينات”.

وننتقل ليوم الجمعة، وحفل مميز للمهتمين بالأوبرا، حفل جلا كونسيرت في دار الأوبرا المصرية على المسرح الكبير، وأسعار التذاكر ما بين 50 – 75 – 100 جنيه.  وهيكون بالاشتراك مع أوركسترا أوبرا القاهرة وكورال أوبرا القاهرة بقيادة المايسترو الإيطالي ديفيد كريشنزي.

كمان معرض بيكاسو للفنون في الزمالك،  مستضيف معرض “موجو جديدة”. أما لعشاق صناعة السينما فساقية عبد المنعم الصاوي عاملة محاضرات سينمائية فى أساسيات صناعة الفيلم، للمخرج والمونتير / مهند دياب.

ونختم بيوم السبت، وعرض مميز من فرقة فويس بساقية عبد المنعم الصاوي.

أما في الجريك كامبس في باب اللوق، هتستضيف مهرجان الموسيقى، واللي بيحييه عدد كبير من الفنانين. سعر التذكرة: 90 – 150 جنيه.

ولمحبي الفن، معرض جيبسوم للفنون في جاردن سيتي، هيستضيف معرض “آثار على درب من ورق”.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.