The Definitive Guide to Living in the Capital , Cairo , Egypt

الويك إند وصل بدري الأسبوع ده! 3 أيام هنرتاح فيهم من ضغوطات الشغل وهنستمتع فيهم بالخروج والانبساط. وعلشان إحنا عارفين أن إجازة نهاية الأسبوع بتكون أحلى لما نخرج ونغير جو فهنعرفكم النهاردة على أهم الحفلات اللي كلها فن ومزيكا وكمان أهم الفعاليات الرياضية في القاهرة، علشان تقدروا تقضوا ويك إند مختلف.

الأربعاء

تقدروا تزوروا مهرجان الصيف في أوديسي آرت جاليري بالزمالك يوميًا من 10 صباحًا حتى 9 مساءً علشان تستمتعوا باللوحات المميزة داخل الجاليري، وهتلاقوا كل التفاصيل هنا.

أما هواة سحر المغنى فموعدهم مع الفنان علي الحجار النهارده الأربعاء 24 يوليو في ساقية الصاوي بتذاكر بيبدأ سعرها من 320 جنيه، اعرفوا تفاصيل أكتر من هنا.

“جزء من المدينة” هو معرض مقام في درب 1718 وهيكون مستمر حتى 31 يوليو هيقدم مجموعة كبيرة من الصور بتعبر عن نظرة كل فنان لبلده بالأبيض والأسود، واللتفاصيل هنا.

الخميس

استمتعوا بجولة مميزة في منطقتي الغوري والأزهر مع أكلة رنجة الساعة 5:30 مساءًا بتذكرة سعرها 100 جنيه، التفاصيل من هنا.

عازفة العود سلمى مختار هتكون موجودة في ساقية الصاوي علشان تسمعوا أجمل عزف الساعة 7:30 مساءً، التفاصيل من هنا.

الجمعة

استمتعوا برايد جديد بالدراجات وأكل الآيس كريم مع استكشاف لمنطقة مصر الجديدة بتذكرة سعرها يبدأ من 30 جنيه.. التفاصيل من هنا.

مسابقة جري مجانًا في المعادي هتكون وسط الطبيعة الخلابة وشوارع المعادي المميزة، التفاصيل من هنا.

ومايفوتكمش حضور حفلة علي الهباوي يوم الجمعة الساعة 8 مساء في ساقية الصاوي بتذكرة سعرها 120 جنيه.. التفاصيل من هنا.

وعندك فرصة تتفرج على مسرحية أحمد حلمي التفاعلية “ميمو” في فندق جراند نايل تاور! العرض هيبدأ من 25 يوليو وهيستمر لحد 26 يوليو.. التفاصيل هنا.

السبت

كمان تقدروا تحضروا حفل فرقة”أعز الناس للموسيقى و الغناء” في دار الأوبرا يوم الجمعة 26 يوليو بتذكرة سعرها 150 جنيه، الساعة 8 مساءً، والتفاصيل من هنا.

واستمتعوا بجلسة ميديتيشن وحفلة شاي في Cairo Meditation المعادي مجانًا.. التفاصيل من هنا.

بنتمى لكم ويك إند سعيد!