The Definitive Guide to Living in the Capital , Cairo , Egypt

صحيح الجو قلب والشتاء داخل بتقله، وغالبًا هيبقى الكل مريح ومأجز، وطبعًا دي كلها أسباب مقنعة للملل والزهق، لكن إحنا في “كايرو 360” جايين نحارب الملل وجبنا لكم معانا حفلات وعروض الويك إند ده، لكن دايمًا بننصح قبل ما تقرروا هتروحوا فين، لازم تراجعوا النشرة الجوية، وويك إند سعيد عليكم يارب.

يوم الخميس..  الساعة 8 مساءً معادنا مع حفلة للفنانة “نسمة عبد العزيز” وفرقتها في دار الأوبرا المصرية. سعر التذكرة 100 جنيه.

أما ساقية الصاوي فهتستضيف حفلة جديدة للفنان الموهوب “وائل الفشني“. الحفلة هتبدأ 8 مساءً، وسعر التذكرة 77 جنيه.

سهرة من نوع جديد هنستمتع فيها برقصات “التانجو الأرجنتيني” في الأوبرا المصرية الساعة 8. أسعار التذاكر 110 و160 و260.

يوم الجمعة.. الساعة 6 مساءً حفلة النجم “تامر عاشور” في نادى “إيرو سبورت” شيراتون المطار. أسعار التذاكر 250 و500 جنيه.

أما الساعة 8 فهيكون معادنا مع الصوت الجميل، الفنانة “نوران أبو طالب” اللي هتقدم حفلة مميزة في درب 1718. سعر التذكرة 100 جنيه.

سكان مصر الجديدة معادهم في مركز “بدايات” الثقافى اللي هيستضيف فرقة “الأوله بلدي” وحفلتهم اللي بروح الشيخ إمام وأغانيه. الحفلة هتبدأ الساعة 8. سعر التذكرة 40 جنيه.

يوم السبت.. الساعة 9 مساءً تقدروا تستمتعوا مع “جيبسي جاز بروجيكت” أول فريق مصري بيقدم موسيقى الجيبسي جاز في “روم آرت سبيس”. سعر التذكرة 100 جنيه.

لو كنتم من محبي الإنشاد الديني فتقدروا تستمتعوا مع “فرقة الزهروان” اللي هتقدم الساعة 6 وصلة من الإنشاد الديني والتواشيح والابتهالات على مسرح الحكمة في ساقية الصاوي. سعر التذكرة 47 جنيه.

أما هواة السينما والأفلام، فهتتفرجوا على واحد من الأفلام اللي هتقدمها سينما زاوية الساعة 9 مساءً، في أسبوع أفلام “إحسان عبد القدوس“. سعر التذكرة 50 جنيه.

لسه في أحداث أكتر، للنهارده وبكره وكل يوم، ودايمًا هتلاقوا كل جديد، في أجندتنا من هنا.