The Definitive Guide to Living in the Capital , Cairo , Egypt

كل ويك إند وانتم طيبين، والويك إند الأسبوع ده مش عادي، خاصةً مع الرياح والعواصف اللي بتشهدها القاهرة، لكن هنعمل إيه في الشتاء وجماله وحاله.. المهم تدفوا كويس وتكونوا واخدين حذركم، واللي عندهم مشاكل في الجيوب الأنفية للأسف لازم ننصحكم إنكم تلتزموا بالبيت أفضل، أما اللي هيخرجوا، هنقول لكم النهاردة على أهم الإيفينتات الموجودة في القاهرة أيام الخميس والجمعة والسبت، علشان تغيروا المود، ويارب تنبسطوا.

الخميس.. الساعة 7 مساءً هنكون على معاد مع حفلة المولوية المصرية  في ساقية الصاوي، اللي بنستمتع فيها بعروض التنورة. سعر التذكرة: 57 جنيه.

أما فرقة الحضرة للإنشاد الديني فهتقدم أجمل الأناشيد الصوفية في مركز الربع الثقافي الساعة 7 مساءً. سعر التذكرة 80 جنيه.

كمان تقدروا تحضروا عرض إيجيبشن بروجكت في درب 1718 الساعة 7 مساءً والدخول مجانًا.

 الجمعة.. هنبتديه بحفلة الفنانة حنان ماضى، في دار الأوبرا المصرية، الساعة 8 مساءً. سعر التذكرة 160 جنيه.

الساعة 7 مساءً هنكون في موعد لمدة ساعتين مع الضحك المتواصل وستاند آب كوميد من تقديم “علي قنديل” في ساقية الصاوي. التذاكر سعرها 97 جنيه.

فريق وجدان هيكون موجود كمان في “رووم آرت سبيس” فرع جاردن سيتي الساعة 9. التذكرة سعرها 100 جنيه.

السبت.. هيكون فيه حفلة جامدة الساعة 6:30 هتجمع لأول مرة بين نجم الجيل “تامر حسني” والفنان “رامي جمال” في المنارة أرينا في التجمع الخامس. تذاكر الحفلة أسعارها 250، 400، 600 جنيه.

وفي قبة الغوري هيكون فيه حفلة لـ ثنائي العود “غسان اليوسف” و”دينا عبد الحميد”، الساعة 8 مساءً، بسعر تذكرة 110 جنيه.

أما الساعة 8 مساءً هيكون النجم “نصير شمة” موجود في ساقية الصاوي بتذاكر سعرها 107، 127، 147، 167، 187 جنيه.

فريق “كايرو 360” بيتمنى لكم ويك إند سعيد، وجو لطيف.