دليلك لويك إند سعيد: حفلات مختلفة ماتتفوتش في الأجازة
Cairo 360
كل سنة وأنتم طيبين النهارده أول يوم في السنة الهجرية الجديدة، بتتجدد فيها المحاولات إن كل واحد يوصل لأحلامه ويبقى راضي وسعيد. وده اللي بنحاول نوفره من خلال الأحداث اللي بننشرها كل يوم على مدار الشهر في أجندتنا.
نبدأ بالنهارده يوم الخميس، وحفل موسيقى عربية للفنانة رحاب عمر في معهد الموسيقى العربية، وسعر التذكرة 50 جنيه.
كمان مركز الربع الثقافي هيستضيف حفلة عزف حر، لكل الآلات الموسيقية. الدخول مجانًا.
برضه فرقة مسرح عرائس الساقية هيقدم حفل للكينج محمد منير، على مسرح الحكمة في ساقية عبد المنعم الصاوي، وسعر التذكرة 20 جنيه.
أما فرقة الكف الأسواني فهتقدم حفلة غنائية على مسرح الضمة في عابدين. سعر التذكرة: 30 جنيه.
وننتقل ليوم الجمعة، وحفل لفرقة مزاهر اللي هتقدم عرض الزار والأغاني الشعبية في مكان. الدخول مجانًا.
برضه فريق الأولة بلدي هيقدم حفلة عنائية، على مسرح الضمة في عابدين. سعر التذكرة: 30 جنيه.
كمان فرقة كاريزما هتحيي حفلة غنائية في الربع. سعر التذكرة: 30 جنيه.
أما مسرح عرائس الساقية فهيقدم مسرحية الماسورة الكبيرة ومذكرات بطاطساية على مسرح الحكمة، وسعر التذكرة 20 جنيه.
ونختم بيوم السبت، وهتلاقوا في مساحة مجنوليا في الزمالك، حفلة “البشبوري”. ودي حفلة غنا وشعر وفن. سعر التذكرة: 40 جنيه.
برضه فريق رباعي أوتار بودليان، هيقدم حفلة موسيقية في علبة ألوان. سعر التذكرة: 75 جنيه.
كمان فريق جيبسي جاز بروجيكت هيحيي حفلة في رووم آرت سبيس.
ولعشاق الفن المشربية جاليري في وسط البلد، هيستضيف معرض “الدخان الأبيض”. للفنان أحمد صبري.
لو عاوزين تعرفوا أكثر عن أحداثنا اللي بننشرها كل يوم على مدار الشهر تابعوا أجندتنا.
ويك إند سعيد!!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
