دليلك لويك إند سعيد: حفلات للطنبورة البورسعيدية وعلي الحجار وفرقة جنان وأحداث أكتر
Cairo 360
كل يوم فرصة أنك تتعلم حاجة جديدة، وتعيش تجربة مختلفة.. تغير لك مودك وتخليك تتغلب على الروتين.. تعالوا نتعرف على أهم الأحداث اللي هتحصل في القاهرة في الويك إند ده.
نبدأ بالنهارده، الخميس، وحفل فرقة الطنبورة البورسعيدية، واللي هتقدم حفلة غنائية على مسرح الضمة في عابدين. وسعر التذكرة: 30 جنيه.
كمان فيه ليلة مايك مفتوح في رووم آرت سبيس في الزمالك، لكل حد عنده موهبة. سعر التذكرة: 35 جنيه.
أما ييلو أمبريلا في المعادي، هتستضيف ليلة من الألعاب المختلفة، وكمان فيه وجبة خفيفة. سعر التذكرة: 40 جنيه.
ولعشاق أغاني أم كلثوم، فيه حفل لمسرح العرائس هيعرض حفل أم كلثوم تعود من جديد واللي بيعرض فيه أغاني أم كلثوم مع تحريك العرائس، وسعر التذكرة 20 جنيه.
وننتقل ليوم الجمعة، وهتلاقوا في بلكون هليوبوليس في مصر الجديدة، عرض لفيلم “Elvis & Nixon”. وسعر التذكرة: 25 جنيه.
ولمحبي الشعر، فيه حفل شعري لعمرو حسن في قاعة الحكمة في ساقية عبد المنعم الصاوي، وهم حلفتين وراء بعض، واحدة الساعة 4 والتانية الساعة 7، وسعر التذكرة 45 جنيه للأعضاء الساقية و50 جنيه لغير الأعضاء.
كمان فرقة Sudan Roots هتقدم حفلة غنائية، في علبة ألوان في الزمالك. سعر التذكرة: 75 جنيه.
أما في مركز الربع الثقافي ففي حفل غنائي لفرقة سلطان العارفين.
ونختم بيوم السبت، وحفل الفنان علي الحجار في قاعة الحكمة في ساقية عبد المنعم الصاوي، وسعر التذكرة 70 جنيه.
كمان فرقة جنان هتقدم حفلة غنائية على مسرح الجنينة، في حديقة الأزهر. وسعر التذكرة: 35 جنيه.
أما في رووم في جاردن سيتي، فهيكون فيه حفل للفنان شادي مؤنس وفرقة حكايات. وسعر التذكرة: 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا هنا.
ويك إند سعيد!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
