دليلك لويك إند سعيد: حفلات لـ “زجزاج” و”ملاذ” و”الشيخ محمود التهامي” وعروض أفلام
Cairo 360
الويك إند ده مليان حفلات وعروض هتخليك تنسى مجهود الشغل وتستمتع بحياتك.. تعالوا نشوف أجندة كايرو 360 فيها إيه من النهارده ولحد يوم السبت.
نبدأ بالنهارده يوم الخميس، ولعشاق سلسلة أفلام هاري بوتر مساحة ييلو أمبريلا في المعادي، هتعرض فيلم “Harry Potter and the Philosopher’s Stone” وسعر التذكرة: 30 جنيه.
كمان فيه حفل لفريق أفرونوبيا على مسرح الحكمة في ساقية عبد المنعم الصاوي، وسعر التذكرة 35 جنيه. ده غير حفل فرقة ملاذ واللي في الساقية برضه وسعر التذكرة 35 جنيه.
أما في مساحة رروم في جاردن سيتي، فتقدروا تحضروا حفلة لفريق “زجزاج”. وسعر التذكرة: 50 جنيه.
برضه الفنان “آدم ميلر” هيحيي حفلة جاز في علبة ألوان. وسعر التذكرة: 75 جنيه.
وننتقل ليوم الجمعة، ورووم آرت سبيس في جاردن سيتي، هتستضيف حفل الفنانة السودانية آسيا مدني، وسعر التذكرة 50 جنيه.
أما لعشاق السينما، فبلكون هليوبوليس في مصر الجديدة، هيعرض فيلم “Collateral Beauty”. وسعر التذكرة: 25 جنيه.
كمان لعشاق الشعر المعاصر هيكون فيه حفل الشاعر عمرو حسن واللي هيقدم حفلتين الساعة 4 و7:30 مساء، في ساقية عبد لمنعم الصاوي في قاعة النهر، وسعر التذكرة 30 و45 و50 و65 و70 جنيه. كمان في الساقية برضه حفل إنشاد ديني للشيخ إيهاب يونس في قاعة الحكمة في ساقية عبد المنعم الصاوي، وسعر التذكرة 35 جنيه.
ونختم بيوم السبت، ولمحبي الإنشاد الديني فيه حفل للشيخ محمود التهامي في ساقية عبد المنعم الصاوي، وسعر التذاكر 25 جنيه للأعضاء و30 لغير الأعضاء.
كمان علبة ألوان في الزمالك، هتعرض الفيلم الوثائقي “I’m Heath Ledger”. وسعر التذكرة: 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
