دليلك لويك إند سعيد: حفلات كتيرة مجمعة كل النجوم.. انبساط بس
ابو اسياد الزار الحضرة امير عيد حفلة دينا الوديدي ساقية الصاوي عسيلي على الحجار كايروكي مدحت صالح مزاهر مكان مهرجان يسرا الهواري
Cairo 360
بما إننا داخلين على مناسبات وأجازات ودلع، فالويك إند المرة دي باديء بدري، وحفلاته أكتر. يلا نشوف هنقضيه إزاي:
النهارده الأربع، النجم “مدحت صالح” بيحيي حفلة غنائية في دار القوات الجوية. الحفلة هتبدأ الساعة 8 مساءً.
وعلى مسرح ساقية الصاوي، لنا ميعاد من الفنان “علي الحجار“، وحفلة غنائية مميزة هتبدأ الساعة 9 مساءً.
عرض الزار والفنون الشعبية هنستمتع بيه في مكان، مع فرقة “مزاهر“. الحفلة هتبدأ الساعة 8 مساءً.
نروح بقى للخميس، ده أكيد هيبقى يوم روعة، لأن فيه حفلة “كوكاكولا” في مركز المنارة في التجمع الخامس. واللي هيكون فيها أمير عيد، عسيلي، أبو، وحنان غينم. الحفلة هتبدأ الساعة 4 عصرًا.
المسرح المكشوف في دار الأوبرا، هيكون فيه حفلة غنائية لفرقة “مزيك“. واللي بتجمع دينا الوديدي، يسرا الهواري، ومنة حسين. الحفلة هتبدأ الساعة 7 مساءً.
ميكس مزيكا الأكوستيك فولك بلمسة جروفي، هنسمعها من فرقة “دعسوقة” في رووم آرت سبيس. الحفلة هتبدأ الساعة 9 مساءً.
يوم الجمعة، عندنا حفلة لأغاني بينك فلويد في علبة ألوان، هيقدمها فريق “بارانويد أيز“. الحفلة هتبدأ الساعة 8 مساءً.
لو بتحب الراب، يبقى هتنبسط بحفلة “مروان بابلو” في درب 1718. ضمن برنامج (مزيكا في السطح) الشهري. الحفلة هتبدأ الساعة 8 مساءً.
يسرا الهواري هتقدم حفلة غنائية في رووم آرت سبيس. الحفلة هتبدأ الساعة 9 مساءً.
يوم السبت، هيكون آخر يوم في حفلات المهرجان الدولي للطبول والفنون التراثية. الاحتفال هيكون في القلعة، وهيبدأ الساعة 8 مساءً.
أجمل الأغاني الصوفية بأجمل الأصوات، هنسمعها من فرقة “الحضرة” في مركز الربع الثقافي. الحفلة هتبدأ الساعة 7 مساءً.
وعلى مسرح الضمة في عابدين، فرقة “أسياد الزار” هتقدم عرض الزار والحضرة الأسبوعي. الحفلة هتبدأ الساعة 8 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
