دليلك لويك إند سعيد.. “المولوية” و”فرقة رضا” و”أغاني ديزني” وحفلات أكتر في القاهرة
المولوية الويك إند حفلات حفلات القاهرة خروجات في القاهرة دراويش أبو الغيط ساقية الصاوي عالم ديزني فرقة رضا مجد القاسم ويك إند
Cairo 360
مصدر الصورة الرئيسية من هنا
كل سنة وأنتم طيبين، وفي الويك إند متجمعين، ومع آخر أسبوع في شهر فبراير مبسطوين، وعلشان انبساطكم وفرحتكم تبقى كاملة، هنرشح لكم مجموعة من الخروجات والحفلات والأحداث المميزة، اللي هتكون متاحة خلال الويك إند، وماتنسوش إن الجو دافئ وجميل، ولازم تستغلوا ده.
نبدأ بيوم الخميس.. الساعة 7:30 مساءً، ميعادنا مع فرقة المولوية المصرية اللي هتنشد أجمل الأغاني الخاصة بيها في بيت السحيمي بتذكرة سعرها 85 جنيه.
والساعة 8 مساءً، هيكون ميعادنا مع حفلة جديدة لفرقة “دراويش أبو الغيط“، في مسرح الضمة بتذكرة سعرها 50 جنيه.
أما الساعة 9 مساءً، تقدروا تستمتعوا بحفلة “حالة عود” وهي مشروع موسيقى جديد، في رووم آرت سبيس جاردن سيتي، بتذكرة سعرها 100 جنيه.
أما يوم الجمعة.. لو أنتم من محبين شخصيات ديزني تقدروا تحضروا حفلة Disney & Famous Songs الغنائية في معهد الموسيقى العربية، الساعة 8 مساءً، بتذكرة سعرها 45 جنيه.
وكمان الساعة 8 مساءً، هيكون الفنان مجد القاسم موجود في ساقية الصاوي وحفلته الجديدة اللي تذكرتها بسعر 57 جنيه.
أما الساعة 9 مساءً، فالموسيقار شريف مصطفى وفرقته هيكونوا بيعزفوا في رووم آرت سبيس جاردن سيتي وسعر التذكرة 100 جنيه.
أما يوم السبت.. والساعة 8 مساءً، الفنان عزمي مجدي هيبدع بموسيقاه وأغانيه في ساقية الصاوي، وسعر التذكرة 97 جنيه.
والساعة 9 مساءً، هيكون موعدكم مع حفلة فرقة The Sinatras اللي بتقدم ذوق موسيقي مختلف بتذكرة سعرها 150 جنيه.
والساعة 9 مساءً، على مسرح البالون في العجوزة، هتكون فرقة رضا للفنون الشعبية بتبدع كعادتها برقصاتها وأغانيها المميزة، وأسعار التذاكر (50 – 75 – 100 – 150).
ويك إند سعيد يا أهل القاهرة.
