دليلك لويك إند سعيد: استمتع بأغاني فيروز واتفرج على التنورة واسمع أجمل الأناشيد
Cairo 360
الويك إند ده مختلف، علشان هينتهي مع بداية أيام العيد. فتعالوا قبل العيد، نعرف هنقضي الويك إند بتاعنا إزاي:
نبدأ بالنهارده الخميس، وحفلة هيحييها فريق “فيرونوليا” في الربع. وهيقدم الفريق خلالها مجموعة من أغاني الفنانة فيروز. الحفلة هتبدأ الساعة 9 مساءً. وسعر التذكرة: 30 جنيه.
على مسرح الضمة في عابدين، فرقة “الوزيري الاسمعلاوية” هتقدم حفلة على أنغام السمسمية. الحفلة هتبدأ الساعة 9:30 مساءً. وسعر التذكرة: 30 جنيه.
دكة أضف في المقطم، هتستضيف حفلة إنشاد وموشحات للفنان “عمرو يكن“. الحفلة هتبدأ الساعة 9 مساءً. والدخول مجانًا.
نروح ليوم الجمعة، لحفلة إنشاد صوفي وتنورة، هتقدمها فرقة “المولوية المصرية“. على المسرح المكشوف في دار الأوبرا المصرية. الحفلة هتبدأ الساعة 9:30 مساءً. وسعر التذكرة: 75 جنيه.
فرقة “وصلة سماع” هتقدم حفلة إنشاد بقصائد صوفية، في علبة ألوان. الحفلة هتبدأ الساعة 9:30 مساءً. وسعر التذكرة: 40 جنيه.
مجموعة من المقطوعات الكلاسيكية الشرقية، هيقدمها “رباعي أوتار” في الربع. الحفلة هتبدأ الساعة 9:30 مساء. وسعر التذكرة: 40 جنيه.
أما يوم السبت، هيكون ميعادنا مع حفلة لفرقة “افتكاسات“، على مسرح الحكمة في ساقية الصاوي. الحفلة هتبدأ الساعة 9:30 مساء. وسعر التذكرة: 45 – 50 جنيه.
عرض التنورة الصوفي، المستوحى من التراث، هنشوفه مع فرقة “التنورة التراثية” في وكالة الغوري. الحفلة هتبدأ الساعة 9:30 جنيه. سعر التذكرة: 5 جنيه.
في مكان هنسمع مجموعة من الأغاني الشعبية والفلكلور من بلاد مختلفة. في حفلة هيقدمها فريق “استابينا“. الحفلة هتبدأ الساعة 9:30 جنيه. وسعر التذكرة: 30 جنيه.
ويك إند سعيد، وكل سنة وانتم طيبين.