The Definitive Guide to Living in the Capital , Cairo , Egypt

الويك إند حضر، كله يستعد. سيب كل اللي في إيدك واجهز للسهر والحفلات.

النهارده الخميس، النجم “علي الحجار” هيحيي حفلة غنائية على المسرح المكشوف في دار الأوبرا المصرية. الحفلة هتبدأ الساعة 8 مساءً.

كل اللي بيحبوا المسرح، مسرحية “3 أيام في الساحل” لسه مكملة على مسرح كايرو شو – موفينبيك 6 اكتوبر. العرض بيبدأ الساعة 10 مساءً.

عرض التنورة والزار هنستمتع بيه مع فرقة “دراويش أبو الغيط” على مسرح الضمة في عابدين. العرض هيبدأ الساعة 9 مساءً.

أما الجمعة، فالمسرح المكشوف في دار الأوبرا هيستضيف الفنان “تامر عاشور“. الحفلة هتبدأ الساعة 8 مساءً.

نادي الرحاب هيكون فيه حفلة غنائية مميزة، هتجمع “يسرا الهواري وكايروكي” مع بعض. الحفلة هتبدأ الساعة 6 مساءً.

رووم آرت سبيس فرع التجمع الخامس، هتستضيف حفلة للفنان “محمود ردايدة” من فريق (جدل). الحفلة هتبدأ الساعة 9 مساءً.

وفي يوم السبت، فرقة “وسط البلد” هتولع المسرح المكشوف في دار الأوبرا بأجمل أغانيها. الحفلة هتبدأ الساعة 8 مساءً.

على مسرح الضمة في عابدين، فرقة “أسياد الزار” هتقدم أجمل عروض الزار والأغاني. الحفلة هتبدأ الساعة 9 مساءً.

عشاق الكتب والروايات لهم ميعاد في مكتبة الكتبجية، مع حفلة توقيع ومناقشة رواية “كحل وحبهان“، للكاتب عمر طاهر. الحفلة هتبدأ الساعة 7 مساءً.

تقدروا تعرفوا حفلات وتفاصيل أكتر من هنا.