دليلك لويك إند سعيد: أجمد الحفلات والأنشطة الثقافية اللي هتحصل في القاهرة
Cairo 360
فات تقريبًا نص رمضان وماحسيناش بيه، مابين متابعة لأحداث كتير حوالينا واستمتاع بسكينة الشهر الكريم، اخترنا لكم بعض الأحداث اللي هتحصل في نهاية الأسبوع ده علشان تستمتعوا بكل دقيقة في رمضان.
نبدأ بالنهارده يوم الخميس، وحفلة مختلفة في درب 1718، واللي هيستضيف حفلة غنائية، بيحييها فريق عمدان النور والطنبورة. سعر التذكرة: 75 جنيه.
كمان فريق فلامينكا هيحيي حفلة موسيقية في علبة ألوان تجنن في الزمالك. وسعر التذكرة: 50 جنيه.
وبرضه الفنانة شيرين عبده هتقدم حفلة غنائية في رووم آرت سبيس. سعر التذكرة: 50 جنيه.
وننتقل ليوم الجمعة، وجو رمضاني مليء بالسكينة والفرحة مع فرقة الأخوة أبو شعر، واللي هتقدم حفلة إنشاد ديني على المسرح المكشوف، في دار الأوبرا المصرية. وسعر التذكرة: 50 جنيه.
أما أو عاوز تفصل خالص ففريق جنان هيقدم حفلة غنائية في رووم آرت سبيس، في جاردن سيتي. وسعر التذكرة: 50 جنيه.
كمان مركز مدار في المعادي، هيستضيف حفلة غنائية، هتحييها الفنانة فاطمة عادل. سعر التذكرة: 50 جنيه.
ولعشاق الفن الجميل والموسيقى الهادئة الراقية، الموسيقار عمر خيرت هيحيي حفلة موسيقية في فندق مينا هاوس.
ونختم بيوم السبت، وحفل مختلف مع الشيخ إيهاب يونس، واللي هيقدم حفلة إنشاد ديني، على مسرح الحكمة في ساقية الصاوي. سعر التذكرة: 30 جنيه.
برضه فريق عمدان النور “جازجا”، هيحيي حفلة غنائية، على المسرح المكشوف في دار الأوبرا المصرية. وسعر التذكرة: 50 جنيه.
أما لمحبي التجديد، فييلو أمبريلا في المعادي، هتستضيف حفلة جاز، هيقدمها فريق “جيبسي بروجيكت”. سعر التذكرة: 60 جنيه.
ولمحبي تجربة حاجات جديدة، شوفوا الموسيقى التقليدية من دول مختلفة، واللي هيقدمها مشروع نار، في مساحة رووم في جاردن سيتي. سعر التذكرة: 50 جنيه.
خلصت أحداثنا اللي بننشرها كل يوم على مدار الشهر، واللي تقدروا تتابعوها كل يوم من على أجندة كايرو 360 هنا.
ويك إند سعيد!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
