دليلك لويك إند سعيد: أجمد الأحداث اللي هتحصل في القاهرة في الويك إند
Cairo 360
كل يوم تجربة جديدة محتاجة شوية صبر وعزم على التغيير والوصول للهدف، ومن وقت للتاني بنحتاج نجرب حاجة مختلفة وجديدة وده اللي بنحاول نوفره في دليلنا الأسبوعي.
ونبدأ بالنهارده يوم الخميس، وفرقة الطنبورة البورسعيدية، هتقدم حفلة غنائية على مسرح الضمة في عابدين. سعر التذكرة: 30 جنيه.
كمان فريق ثلاثي رشاد فهيقدم حفلة موسيقية في رووم. سعر التذكرة: 50 جنيه.
أما في قاعة الحكمة في ساقية عبد المنعم الصاوي، هيكون فيه عرض جديد لمسح العرائس “أم كلثوم تعود من جديد” واللي هتقدم فيه أغنية “هذه ليلتي” و”أغدًا ألقاك”.
برضه فيه سهرة عشاء خاصة بيقدمها مطعم “عيش وملح” في وسط البلد، مع موسيقى الريزم والبلوز.
وننتقل ليوم الجمعة، وحفل الفنانة إيمان الشميطي على مسرح ساقية عبد المنعم الصاوي، وسعر التذكرة 50 جنيه.
كمان بلكون هليوبوليس في مصر الجديدة، هتعرض فيلم “The Neon Demon”. سعر التذكرة: 25 جنيه.
ولمحبي الأغاني المطرقعة فرقة أرابيش عاملة حفلة في ساقية عبد المنعم الصاوي، وسعر التذكرة 70 جنيه. والفرقة معروفة بطابعها الشبابي ومناقشتها لقضايا المجتمع بطريقة خفيفة.
برضه فرقة منيب عاملين حفلة في دار الأوبرا المصرية على المسرح المكشوف، وسعر التذكرة 35 جنيه.
ونختم بيوم السبت، لعشاق المسرح مسرحية “قواعد العشق الأربعين” المقتبسة من رواية بنفس الاسم لإيلاف شافاق على مسرح الجمهورية.
كمان حفل الفنان علي الحجار على مسرح الحكمة في ساقية عبد المنعم الصاوي، وسعر التذكرة 70 جنيه.
ولعشاق السينما، سينما مجنوليا في الزمالك هتعرض فيلم “The Constitution”. والدخول مجانًا.
أما مدار المعادي فهتستضيف حفلة غنائية، لمشروع “جيبسي جاز”. سعر التذكرة: 75 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
