دليلك لويك إند سعيد: أجازة مليانة حفلات وأفلام ومعارض وأغاني
Cairo 360
النهارده خلاص آخر يوم من أيام الشغل، وبنستعد للويك إند. والحمد لله إن الجو اتعدل شوية، علشان الواحد يعرف ينبسط بمزاج. يلا بينا على خروجات الويك إند:
نبدأ بالنهارده الخميس، مع مساحة جرامافون في المعادي، اللي هتعرض فيلم “Beauty & the Beast” الجديد. العرض هيبدأ الساعة 6:30 مساءً. وسعر التذكرة: 25 جنيه.
مساحة رووم في جاردن سيتي، هتستضيف “ليلة مايك مفتوح“. وفيها هيقدم كل شخص موهبته قدام الجمهور. الحفلة هتبدأ الساعة 8 مساءً. وسعر التذكرة: 35 جنيه.
على مسرح الضمة في عابدين، فرقة “الكف الأسواني” هتقدم حفلة غنائية، بقيادة المطرب محمود الإدفاوي. الحفلة هتبدأ الساعة 8 مساءً. وسعر التذكرة: 30 جنيه.
أما يوم الجمعة، لنا ميعاد مع حفلة غنائية هتقدمها “هانيا فنصة” في باب 18. الحفلة هتبدأ الساعة 7 مساءً. وسعر التذكرة: 50 جنيه.
فرقة “أعلام المصطفى” هتقدم حفل إنشاد ديني، في مركز الربع. الحفلة هتبدأ الساعة 7:30 جنيه. وسعر التذكرة: 20 جنيه.
مساحة رووم آرت سبيس، هتستضيف حفلة غنائية لفرقة “دعسوقة“. الحفلة هتبدأ الساعة 8:30 جنيه. وسعر التذكرة: 50 جنيه.
نروح ليوم السبت، وحفلة موسيقية هيحييها “أوركسترا القاهرة السيمفوني“، على المسرح الكبير بدار الأوبرا المصرية.
مساحة دوار في وسط البلد، هيكون فيها معرض “صور من السودان” للفنان محمد سامي. الدخول هيبدأ الساعة 6 مساءً. والمعرض مستمر لحد يوم 13 يونيو 2017.
الفنان “محمد يحيى” هيقدم حفلة غنائية على مسرح الحكمة، بساقية الساقية. الحفلة هتبدأ الساعة 8 مساءً. وسعر التذكرة: 20 – 25 جنيه
استمتعوا.
