The Definitive Guide to Living in the Capital , Cairo , Egypt

الصورة: EGYPTIAN PROJECT

عيد الفطر 2025! ومع العيد بتبدأ أجواء الاحتفال اللي مش هتنساها وهتبقى ذكريات مميزة مع معارفك وحبايبك! وسواء كنت من عشاق الحفلات الموسيقية، العروض المسرحية، أو حتى الأجواء الشاطئية المنعشة، جمعنالك أفضل الفعاليات اللي هتخلي عيدك مليان بالفرحة والذكريات الحلوة.

الاثنين 31 مارس 2025

رامي صبري وشارموفرز في بالم باي، بورتو سعيد

بداية العيد في بورتو سعيد مش هتكون عادية، لأن بالم باي هيولّع الأجواء مع حفل استثنائي يجمع بين إحساس رامي صبري القوي وإيقاعات شارموفرز الجنونية! استعدوا لليلة مليانة طاقة، موسيقى، واحتفال لا يُنسى على البحر. اعرف تفاصيل أكثر من هنا.

مسرحية ميمو في هيلتون القاهرة جراند نايل

لو بتدور على جرعة ضحك مضمونة، أحمد حلمي راجع بمسرحيته المميزة “ميمو” في هيلتون القاهرة جراند نايل! تجربة مسرحية بتجمع بين الكوميديا والتشويق في عرض ممتع لكل الأعمار. اعرف تفاصيل أكثر من هنا.

ليلة ذكريات التسعينات في سوبار روف توب، سوما باي

حنينك للماضي ملوش حدود؟ جه وقت تعيش أجواء التسعينات بكل تفاصيلها في ليلة مليانة نوستالجيا على البحر في سوبار روف توب، سوما باي! اعرف تفاصيل أكثر من هنا.

الثلاثاء 1 أبريل 2025

تاكسي السهرة في سوبار روف توب، سوما باي

ليلة رومانسية كلها موسيقى مع إطلالة بحرية ساحرة، ده اللي مستنيكم في حفلة تاكسي السهرة في سوما باي! اعرف تفاصيل أكثر من هنا.

Egyptian Project في كايرو جاز كلاب

مزيج فريد بين الموسيقى العصرية والروح التراثية المصرية في ليلة استثنائية مع فرقة Egyptian Project في كايرو جاز كلاب. لو بتحب التجارب الموسيقية المختلفة، الحفلة دي ليك! اعرف تفاصيل أكثر من هنا.

بلاك تيما في ساقية الصاوي

استعدوا لسهرة مليانة طاقة مع بلاك تيما في ساقية الصاوي! بأغانيهم اللي بتجمع بين الروح الأفريقية والإيقاعات المصرية، الحفلة دي مضمونة إنها ترفع المزاج لأقصى درجة. اعرف تفاصيل أكثر من هنا.

الأربعاء 2 أبريل 2025

كايروكي في كيوبكس – الجونة

مافيش عيد من غير حفلة كايروكي، وده اللي هيحصل في الجونة وبالتحديد في كيوبكس! استعدوا لليلة مليانة حماس، جيتارات صاخبة، وأغاني حافظينها كلمة بكلمة. اعرف تفاصيل أكثر من هنا.

فلكلوريتا في ساقية الصاوي

محبي الفلكلور على موعد مع فرقة فلكلوريتا اللي هتاخدكم في جولة موسيقية داخل التراث الشرقي في حفلة مليانة رقص وإيقاعات تراثية ساحرة. اعرف تفاصيل أكثر من هنا.

ديسكو مصر، زفت فانك والمزيد في مسكا بيتش، سوما باي

مستعد لحفلة شاطئية أسطورية؟ ديسكو مصر، زفت فانك، وغيرهم هيقدموا مزيج من الإيقاعات الفريدة في مسكا بيتش، عشان تودعوا الليل بأجمل نغمات. اعرف تفاصيل أكثر من هنا.

الخميس 3 أبريل 2025

أم كلثوم في ساقية الصاوي

كوكب الشرق حاضرة في العيد مع عرض العرائس الشهير في ساقية الصاوي، استمتعوا بأغاني “سيرة الحب” و”عودت عيني” وكأنكم في حفلة حقيقية لأم كلثوم. اعرف تفاصيل أكثر من هنا.

مهرجان إمبيسا في ساقية الصاوي

إيقاعات نوبية أصيلة وأجواء ساحرة مستنياكم في مهرجان إمبيسا في ساقية الصاوي! احتفال بالتراث والموسيقى في ليلة مليانة دفء وحيوية. اعرف تفاصيل أكثر من هنا.

الجمعة 4 أبريل 2025

علي الهلباوي في ساقية الصاوي

ختام العيد مش هيكون عادي مع صوت علي الهلباوي العذب في حفلة مميزة في ساقية الصاوي، رحلة موسيقية روحية تجمع بين الإنشاد والطرب الأصيل. اعرف تفاصيل أكثر من هنا.

فرقة VYRUS في ساقية الصاوي

لو بتحب الموسيقى البديلة والإيقاعات الصاخبة، حفلة VYRUS في ساقية الصاوي هتكون التجربة اللي مش عايز تفوتها! طاقة غير تقليدية وأداء مميز في ليلة مش هتتنسي. اعرف تفاصيل أكثر من هنا.

العيد ده مختلف، اختار الحدث اللي يناسبك يوناسب ذوقك الفني، ماتفوتش الفرصة للاحتفال مع حبايبك وعيش أجواء عيد ما تتنسيش!