دليلك الكامل لمعرض زهور الربيع 2023
أسعار معرض الزهور سعر تذكرة معرض زهور الربيع معرض زهور الربيع 2023 مكان معرض زهور الربيع نباتات معرض الزهور نباتات معرض الزهور أسعار معرض الزهور
Mohamed Talaat
مع بداية الربيع من كل عام القاهرة بتتنفس ورد وخضرة، لأن ده بيكون موعد معرض زهور الربيع السنوي، اللي بتستضيفه من عشرات السنين حديقة الأورمان بالجيزة، لكن السنة دي المعرض بيستضيفه مكان مختلف وهو المتحف الزراعي بالدقي، لكنه برضه هيجمع أهم المتخصصين في الزهور والأشجار، وهيكون فيه من خيرات الطبيعة ما لذ وطاب. خلال السطور الجاية هنعرفكم كل حاجة عن معرض زهور الربيع 2023.
معرض ظهور الربيع هيكون السنة دي تحت شعار “100 مليون شجرة”، والسنة دي هيكون مكانه في المتحف الزراعي المصري في الدقي، مش زي كل سنة في حديقة الأورمان، والنسخة دي هتكون الـ90 في تاريخ المعرض، وانطلقت يوم 27 مايو 2023، بمشاركة 200 عارض وشركة، بخلاف معرض مزارعنا لأهالينا للمواد الغذائية.
المعرض بيضم شتلات الأشجار بكل أنواعها ومستلزمات الإنتاج الزراعي بسعر التكلفة، وده علشان تطبيق شعار الوصول لـ100 مليون شجرة مزروعة، وكمان بيضم منافذ بيع السلع الخاصة بوزارة الزراعة، وزي كل سنة هيكون فيه عارضين للزهور ونباتات الزينة والمشاتل واللاند سكيب وأنظمة الري الحديث والديكورات وكمان بائعين الطيور والحيوانات الأليفة.
معرض زهور الربيع 2023 هيكون موجود لمدة شهر كامل، وهو بدأ يوم 27 مايو، وسعر تذكرة الدخول 10 جنيه، ومتوقع كمان تخفيضها للجمهور في الأيام الجاية، والتذكرة هتكون خاصة بدخول المعرض فقط لأن المتحف مقفول للتطوير، ومن المعروف أن المعرض هو حدث مهم لكل المهتمين بالزهور والنباتات، وبيضم المعرض كل سنة مجموعة نادرة من النخيل والنباتات والأشجار من كل دول العالم، وأسعار الزرع بتبدأ من 5 جنيه.
