The Definitive Guide to Living in the Capital , Cairo , Egypt

المكياج من الحاجات المهمة لكل بنت، لكل للأسف مش كلنا بنعرف نتعامل معاه بطريقة سليمة، خصوصًا لو ما عندناش خبرة، وبما إن الجامعة قربت، فهمهم الماكياج يكون مناسب للحياة الجامعية وللوقت اللي بنروح فيه الجامعة، اللي هو الصبح وبعد الضهر.

في السطور الجاية هنقول لكم على شوية نصائح للمكياج الصباحي اللي ينفع تروحي بيه الجامعة أو حتى الشغل.

أول حاجة لازم تعمليها أنك تغسلي وشك كويس وبعد كده تحطي التونر أو مزيل المكياج علشان تشيلي أي دهون أو بواقي مكياج قديم وتفتحي المسام، بعد كده بتحطي الكريم اللي بتسخدميه لوشك أو كريم التثبيت اللي بيثبت المكياج وبعد كده الفون دو تان ولازم تجربي لون يكون لايق على لون بشرتك ويبقى لايق مع الوقت الصباحي، وطبعًا مش بيلمع. وأوقات بيكون فيه كريم معاه واقع من الشمس ده بيكون أحسن بدل ما تحطي أكتر من كريم.

ثاني حاجة بعد تظبيط الحواجب بتحدديها بشكل بسيط، وممكن تحطي أي شادو على الحواجب علشان يتقلها ويديها شكل طبيعي.

ثالث حاجة الماسكرا ويفضل أنها تكون بليل مش الصبح لأن مع الحر والعرق ممكن الدنيا تبوظ منك مع أول مسحة للعين.

رابع حاجة الروج أو أحمر الشفاة وبرضه لازم تختاري درجة لون تناسب بشرتك وماتكونش فاقعة لأنك خارجة الصبح مش بليل ويفضل تكون نفس لون الشفايف.

خامس حاجة بقى الأي شادو، ولو لازم لازم تحطيه الصبح يبقى تختاري لون فاتح جدًا ومش فاقع زي درجات البيج مثلًا وبلاش الألوان الفاقعة أرجوكي أو أي ألوان بتلمع! لأن الحاجات دي للسهرة بس.