خروجة للشلة والأسرة.. 3 أماكن تلعب فيهم بولينج في القاهرة
أماكن لعب البولينج إزاي تلعب بولينج مركز البولينج مركز البولينج الدولي
Mohamed Talaat
الصورة الرئيسية: Ella Christenson
خروجات الشلة والأسرة لازم تكون فيها أنشطة كتير، ولازم يكون فيها ضحك وهزيمة وانتصار علشان ننبسط أكتر، وده اللي هتلاقوه لما تروحوا تلعبوا بولينج في مكان حلو في العاصمة المصرية. البولينج بيعتمد على التنافسية بين 2 أو أكتر وممكن تتحول اللعبة لمنافسة مباشرة بين فريقين وده هيعلي معاكم روح المغامرة والسعادة وسط تنافس كله ضحك وهزار، وعلشان كده هنقولكم على أهم 3 أماكن للعب البولينج في القاهرة خلال السطور الجاية.
مركز البولينج الدولي
هو أكبر مركز بولينج موجود في القاهرة، وتابع للقوات المسلحة وبيقام فيه بطولات دولية ومحلية، وفيه منطقة ترفيه متكاملة فيها ألعاب مختلفة.
العنوان: شارع الستا البحري أمام مدرجات الثالثة شمال – خلف بانوراما حرب أكتوبر – صلاح سالم.
رقم التليفون: 0222612121.
تقدروا تعرفوا أكتر عنهم من خلال صفحة فيسبوك مركز البولينج الدولي هنا.
Bounce Bowling
من أقدم الأماكن اللي فيها بولينج في القاهرة في المعادي، وبيقدموا تجربة ألعاب فريدة رغم شروطهم الصعبة شوية في الدخول وخاصة للأطفال إلا أنهم يعتبروا من أفضل الأماكن في لعب البولينج.
العنوان: 2 شارع فلسطين – البندر مول.
رقم التليفون: 0225168378.
تقدروا تعرفوا أكتر عنهم من خلال صفحة فيسبوك Bounce Bowling هنا.
دار المشاة
بيقدموا نموذج مميز ومحترف للبولينج، وهناك هتقدروا فعلًا تنبسطوا وهيكون لعبكم آمن وكله حيوية ونشاط.
العنوان: شارع اسماعيل الفنجرى، كوبرى القبة، داخل دار المشاة
رقم التليفون: 0224037999
تقدروا تعرفوا أكتر عنهم من خلال صفحة فيسبوك دار المشاة هنا.
