خروجة عائلية بـ20 جنيه بس.. استمتع بيوم كامل في شيل أوت بارك!
أماكن ترفيه في مصر الجديدة بيت الرعب تلوين الفخار خروجات رخيصة خروجات عائلية شيل أوت بارك مطاعم وكافيهات عائلية منتزهات القاهرة
Mohamed Talaat
الخروجات العائلية بقت حاجة مهمة دلوقتي، خصوصًا لما تكون مناسبة لكل الأعمار وبأسعار معقولة. لو بتدور على مكان تخرج فيه مع عيلتك وتنبسطوا بيوم مليان نشاط وحيوية، يبقى شيل أوت بارك هو المكان المثالي ليكم، وكل ده بـ20 جنيه بس!
المكان عبارة عن متنزه أخضر فيه كل اللي تحتاجه عشان تقضي وقت ممتع؛ مطاعم، كافيهات، كيدز إيريا، بيت رعب، وأماكن للرسم والتلوين. سعر دخول الحديقة لليوم كامل 20 جنيه، وممكن تقعدوا في المساحات الخضراء من غير ما تصرفوا أي حاجة زيادة.
لو جوعتوا، المطاعم والكافيهات الموجودة هناك متنوعة وأسعارها مناسبة. ولو عايزين تعملوا عيد ميلاد؟ فيه مكان مخصوص ليكم تقدروا تزينوه زي ما تحبوا. كمان لو بتحبوا الإبداع، جربوا أنشطة التلوين على الفخار والمرايات، وخدوا أعمالكم الفنية معاكم وأنتم مروحين!
أما المغامرين، جربوا بيت الرعب لو عندكم قلب جامد! وللناس اللي بتحب البحيرات، ممكن تستمتعوا بركوب الفلوكة أو البتش باجي، أو ببساطة تقعدوا أمام البحيرة في قعدة هادية سواء في مطعم أو كافيه هناك.
شيل أوت بارك كمان بينظم حفلات وأجواء خاصة في المناسبات، فاليوم بتاعكم هيكون مليان مفاجآت. وأكيد ماتنسوش توثقوا يومكم بصور مميزة!
العنوان: مصر الجديدة – ألماظة – قدام مستشفى الطيران.
رقم التليفون: 01090664443.
مقترح
معالم وسياحة
المتحف القبطي في مصر القديمة.. تاريخ وأسرار 16 ألف قطعة أثرية
الآثار القبطية التراث المصري +5
الحياة في كايرو
