The Definitive Guide to Living in the Capital , Cairo , Egypt

الجو ده مش عاوز سحلب، ولا الحضن هيأكلنا عيش، الجو ده محتاج خروجة في الضهرية وشواية وفحم وشوية فراخ ولحمة وخضروات وقعدة مميزة، ونعمل أحلى حفلة شواء في الهواء الطلق داخل أجواء القاهرة ونشوف الخضرة أو النيل أو حتى الصحراء. علشان كده النهاردة هنقول لكم على 3 أماكن مميزة تعملوا فيها نشاط شواء على الفحم، لكن قبل ما نقول لكم على الأماكن لازم تخلوا بالكم بأن الشواء عاوز مكان مفتوح، ويا ريت تحطوا ملح خشن على الفحم علشان تقللوا الدخان.

IL CAMPO

ده أول منتجع متخصص على النيل لنشاط الشوي والتجمعات الأسرية، وهما بيوفروا الأدوات وأنتم عليكم تجيبوا اللي هيتشوي، وتم تصميم الكامب علشان يجمع بين الثقافة الغربية والذوق الشرقي، ده غير كمان أنهم بيعملوا فعاليات كتير للعب في المكان وفي النيل للكبار والأطفال، والمكان متقسم علشان كل مجموعة تكون لها الخصوصية بتاعتها.

العنوان: منيل شيحة، امتداد شارع البحر الأعظم – طريق أسوان الزراعي، الجيزة.

رقم التليفون: 0238098787 – 01093455959.

Smart Camp

على مساحة 2 فدان هتلاقوا أماكن خضراء وحمامات سباحة وخيل ورماية وكمان أنشطة تعليمية متميزة، ومتاح في المكان تجيبوا شواياتكم وتعملوا حفلة شوي وبيكون سعر التذكرة 100 جنيه، ولو هتستخدموا حمام السباحة والألعاب اللي حواليه هيكون السعر 200 جنيه، ولو هتركبوا خيل ورماية وكل الأنشطة الباقية هيكون سعر الفرد 300 جنيه.

العنوان: 346 جمعية أحمد عرابي بجوار كارفور – العبور.

رقم التليفون: 01020348884 – 01003402668.

محمية وادي دجلة

من الأماكن اللي تقدروا تستمعوا فيها بنشاط الشواء وسط الطبيعة الصحراوية الخلابة، والمحمية بتحتوي على 64 نوع من النباتات وكمان فيها غزال حفري و20 نوع من الزواحف المتحجرة، وهي من أفضل أماكن التخييم ومسموح بدخول السيارات والتحرك بالعجل والبيات كمان فيها، وسعر التذكرة للفرد 10 جنيه.

العنوان: شارع حلمي ندا – زهراء المعادي.

رقم التليفون: 01223456789.