حي الخليفة.. قلب القاهرة النابض
آثار حي الخليفة أحياء القاهرة القديمة تاريخ حي الحليفة حي الخليفة رحلة لحي الخليفة مساجد القاهرة التاريخية
Cairo 360
الصورة الرئيسية: Simon Berger
الصورة الداخلية: Omar Elsharawy
جميلة أحياء القاهرة القديمة، جميلة لأنها انتصرت على الزمن، وقدرت تقاوم القبح والتغيرات، زي حي الخليفة، اللي بيعتبر واحد من أغنى أحياء القاهرة بالآثار التاريخية والدينية اللي بتعتبر علامة مميزة للحي وثروة سياحية حقيقية. الخليفة بيتميز بطبيعة شعبية مدهشة، وبتنتشر فيه المباني السكنية القديمة والمساجد الأثرية وأكثر!
بيميز حي الخليفة موقعه المهم، لأنه موجود في قلب القاهرة، وبيربط بين أحياء البساتين والمعادي والسيدة زينب وبين وسط القاهرة.
بيضم الحي العريق مناطق تاريخية مهمة، زي الأباجية والإمامين والبقلي والتونسي والحطابة والحلمية، وأكثر. ومن أهم شوارعه شارع شيخون.
معالم بدون عدد!
يعتبر حي الخليفة من الأحياء الغنية بالآثار التاريخية والإسلامية، والتي تعتبر علامة مميزة للحي ومنها جامع الإمام الليثي ومسجد شيخون ومسجد أحمد بن طولون وجامع الخضيري ومسجد سرغطمش ومسجد السلطان حسن ومدرسته، ده غير جامع وضريح الإمام الشافعي ومسجد السيدة سكينة وأكثر.
وأكيد مش هننسى قلعة صلاح الدين الأيوبي التاريخية المبنية على أعلى أحد جبل المقطم، واللي بتشرف على القاهرة من فوق تلال المقطم ومنها تقدروا تستمتعوا بمشاهدة المنظر العام للمدينة.
ليه لازم تزور حي الخليفة؟
لو بتحب التاريخ، وبتحب المباني العظيمة، وبتحب المصريين البسطاء اللي بيفكرون بالزمن الجميل، يبقى لازم تزور حي الخليفة، لأنه بيجمع كل تفاصيل تاريخ القاهرة العريق في مكان واحد، وهناك هتحس إنك سافرت بالزمن للماضي.. وجماله.
