حفلات لـ”روبي” و”هشام عباس” و”حنان ماضي” وأكثر.. اعرف أحلى فعاليات الويك إند
حفلة حنان ماضي حفلة روبي حفلة هشام عباس خروجات في القاهرة خروجات في الويك إند خروجات في نهاية الاسبوع فعاليات فنية في القاهرة مسرحية أحمد حلمي
Cairo 360
أكيد أسبوعك كان كله ضغط! ووبتدور على فرصة تظبط فيها مزاجك وحالتك النفسية من تاني، ومافيش أجمل من الويك إند علشان تخرج وتنبسط، وماتقلقش إحنا في كايرو 360 هنعرفك على أبرز الفعاليات والأنشطة الفنية والثقافية اللي هتحصل في القاهرة في إجازة نهاية الأسبوع، علشان تخرج وتغير الموود وترجع للشغل من تاني أفضل وأقوى. يلا نبدأ.
الخميس 12 سبتمبر 2024
لو كنت من عشاق أغاني التسعينيات وبداية الألفينيات، يبقى أكيد بتحب حنان ماضي، بصوتها الملائكي وألحان أغانيها اللي كلها حنين، وفي ساقية الصاوي هتقدر تحضر حفلها المميز ليلة الخميس.. التفاصيل هنا.
ولو حابب تقضي ليلة كلها ألحان هتأخدك لعالم تاني مع مزيكا مميزة، يبقى مافيش أجمل من حفل إدريسي في ساحة روابط للفنون.. التفاصيل كلها هنا.
أما عشاق الحضارة المصرية والمغرمين بها، فعندهم فرصة لحجز مكان في عرض الصوت والضوء عند الأهرامات واللي هيعرفكم أكثر على مصر وتاريخها.. التفاصيل كلها هنا.
لو عند موهبة في الغناء، أو حابب تسمع صوتك وأنت بتغني، يبقى لازم تحضر حفل كاريوكي في رووم آرت سبيس وتطلع كل اللي جواك.. والتفاصيل كلها هنا.
الجمعة 13 سبتمبر 2024
طبعًا فاكر تترات المسلسلات المصرية الكلاسيكية، واللي كل تتر منها بيعيشك في موود مختلف وبيرجعك لذكريات حلوة عشتها في الوقت ده، والفنان علي الحجار كان صوت رسمي لأهم تترات المسلسلات، فلو حابب تقضي ليلة كلها طرب وفن وتسمع تترات مميزة، اوعى يفوتك حفل علي الحجار واللي هتستضيفه دار الأوبرا المصرية مساء يوم الجمعة.. التفاصيل هنا.
ولو ليك في الفرفشة، يبقى جهز نفسك لحفل روبي في مراسي علشان تعرف هي عملت إيه في “تلات ساعات متواصلة”.. التفاصيل هنا.
وأغاني التسعينيات راجعة بقوة في حفل هشام عباس اللي كله نوستالجيا في كايرو جاز كلوب.. التفاصيل هنا.
السبت 14 سبتمبر 2024
لو بتحب المسرح وليك في الكوميديا، اوعى يفوتك حضور مسرحية “ميمو” اللي بيقوم ببطولتها الفنان أحمد حلمي ومجموعة كبيرة من الفنانين، وده على مسرح فندق جراند تاور.. تفاصيل أكتر هنا.
وكمان دار الأوبرا هستضيف حفل مميز لأوركسترا القاهرة السيمفوني.. التفاصيل هنا.
وفي ساقية الصاوي، هتقدر تحضر حفل لسمية درويش.. التفاصيل هنا.
مقترح
معالم وسياحة
مرسوم عليه أعداء مصر.. شوف "صندل" توت عنخ آمون في المتحف المصري الكبير
أعداء مصر المتحف المصري الكبير +3
كتب
