The Definitive Guide to Living in the Capital , Cairo , Egypt

الصورة الرئيسية: BRUNO CERVERA

احنا بنستنى خروجات الويك إند كل إسبوع علشان نقدر نعمل ريفرش لمزاجنا ونفسيتنا ونقدر نكمل كفاح ونجاح في حياتنا، وعلشان الويك إند يكون مختلف لازم تكون الخروجة مميزة، وعلشان كده النهاردة هنقول لكم على أهم حفلات موجودة في القاهرة وخارجها علشان تقدروا تختاروا منها الأنسب لذوقكم وتقدروا تريحوا أعصابكم وتغيروا جو علشان ترجعوا فريش بعد ضغط الأسبوع وتعب الانتقالات للشغل في وسط حرارة الجو المرتفعة.

الخميس 22 أغسطس 2024

مهرجان القلعة ما زال مستمر معانا بحفلات مميزة أولهم ليوم الخميس حفلة فرقة الإنشاد الديني وتفاصيلها موجودة هنا، وكمان حفلة الفنان ايهاب توفيق وهتلاقوا تفاصيلها من هنا، وسعر التذكرة 60 جنيه.

لو بتحبوا الكتب وعاوزين ترجعوا شغفكم بالثقافة فده موعدكم مع معرض ساقية الصاوي للكتاب اللي هيكون فيه ندوات ومناقشات وعروض كتير، بتذكرة سعرها رمزي، التفاصيل من هنا.

لو عندكم حنين للسينما الحلوة، تقدروا تحضروا عرض فيلم “في شقة مصر الجديدة” بطولة غادة عادل وخالد أبو النجا، داخل سينما زاوية بتذكرة سعرها 100 جنيه.. التفاصيل من هنا.

الجمعة 23 أغسطس 2024

الفنان علي الهلباوي هيبدع كالعادة على مسرح ساقية الصاوي بحفلة جديدة بتذاكر بيبدأ سعرها من 120 جنيه.. التفاصيل من هنا.

وبيستمر مهرجات القلعة بحفلة جديدة للفنانة إيمان عبد الغني بتذكرة سعرها 60 جنيه.. التفاصيل من هنا.

وخلال ساعتين ونصف من القاهرة وبالتحديد على المسرح الروماني بالإسكندرية، تقدروا تروحوا تحضروا مسرحية “دكان الأحلام”، واللي سعر التذاكر لحضورها يبدأ من 200 جنيه.. التفاصيل من هنا.

السبت 24 أغسطس 2024

يوم السبت لسه مهرجان القلعة متواجد بقوة علشان يبهركم بحفلاته المميزة بتذكرة سعرها 60 جنيه، وهيشارك في اليوم ده أوركسترا القاهرة السيمفوني والتفاصيل من هنا، وبعدها الفنانة نسمة محجوب هتبدع في تحسين الحالة النفسية بصوتها المميز، والتفاصيل من هنا.

اتعرفوا على تاريخ الأهرامات من خلال عرض الصوت والضوء بتذاكر تبدأ من 80 جنيه للكبار و50 جنيه للأطفال.. التفاصيل من هنا

لو بتحبوا المانجا تقدروا تشاركوا في موسم الحصاد وزيارة مزرعة وتاكلوا وتشربوا وتتصوروا وتلعبوا بتذكرة سعرها 1475 جنيه.. التفاصيل من هنا.