The Definitive Guide to Living in the Capital , Cairo , Egypt

في أيام الصيف، بيحلى الخروج للحدائق العامة والمتنزهات، ومافيش أجمل من زيارة حدائق “القناطر الخيرية” الفترة دي، خصوصًا وأن جزء كبير من الرحلة بيكون في حضن نهر النيل، وعلشان كدة هتفضل القناطر علامة من علامات الخروج والانبساط في الصيف.

بتكتسب القناطر الخيرية أهميتها كوجهة سياحة بتجمع بين الجمال الطبيعي والعبقرية الهندسية، وهي كمان وجهة مثالية للزوار اللي بيدوروا على تجربة سياحية تجمع بين الاسترخاء والجمال الطبيعي والمساحات الواسعة، خاصة وأن المنطقة شهدت أعمال تطوير كبيرة خلال السنوات اللي فاتت.

بتبدأ الرحلة إلى القناطر الخيرية بركوب البواخر النيلية من كورنيش النيل بالقاهرة، ودي طبعًا وسيلة رائعة لاكتشاف جمال المنطقة من منظور مختلف.

بمجرد الوصول إلى حدائق القناطر الخيرية هيكون عندك فرصة كبيرة لممارسة الأنشطة الترفيهية والرياضية، ومنها الاستمتاع بركوب الدراجات (العجل) أو المشي على ضفاف النهر، أو حتى المشاركة في رياضات مائية زي التجديف.

فيه تفصيلة جميلة في رحلة القناطر، وهي تجربة الطعام الريفي، زي الفطير المشلتت اللي بيتم خبزه في أفران تقليدية، واللي بيتم تناوله مع العسل الأبيض اللي بتنتجه مزارع النحل المنتشرة في القناطر.