حتى لو معاك كبار سن.. 3 خروجات في العاصمة هيفرحوا كل الأعمار
الأزهر بارك جزيرة المعادي خروجة عائلية خروجة كبار السن ذا ليك ديستريكت
Mohamed Talaat
لمة الكبار مع الصغار في العيلة من الحاجات التراثية في مصر، وكتير من الأسر المصرية بيتجمعوا يوم محدد في الأسبوع في يوم عائلي بهيج، ورغم اندثار التجمعات وأنها مبقتش زي زمان في بيت العيلة، إلا أننا كل فترة بنشتاق لها، وبنحب نخرج في جو عائلي مع تيتا وجدو وبابا وماما، وعلشان كده هنرشحلكم 3 خروجات ترجعوا بيها لمة العائلة وتكون مناسبة لكبار السن.
جزير المعادي
مش مجرد منطقة ألعاب، ده عالم متكامل للمة العائلة ومناسب لكل الأعمار، وفيه أنشطة كتير تقدروا تمارسوها وكمان مطاعم وكافيهات وألعاب هتشاركوا فيها كفريق واحد عائلي، وسعر التذكرة يبدأ من 25 جنيه.
العنوان: كورنيش المعادي – بالقرب من المستشفى العسكري.
The Lake District
من أجمل أماكن الخروجات العائلية اللي هتستمعوا بالترفيه فيها للكبار والصغار، وفيها أنشطة مميزة ومطاعم وقعدات عائلية مهمة، وكمان عندهم مناظر خلابة حول البحيرة وهيكون خروجكم في ذا ليك ديستريكت متعة غير مسبوقة والدخول مجانًا.
العنوان: داون تاون، كمبوند ميفيدا، التجمع الخامس.
الأزهر بارك
تعالوا نروح على المتعة اللي بجد والواجهة الأولى للتجمعات العائلية على مر الزمان، وهتلقوا في الأزهر بارك مجموعة من الأشجار والطبيعة الخلابة اللي مش موجودة في أي حتة تانية، ده غير الأنشطة والمطاعم والكافيهات، وأهم حاجة الفيو الممتع للقاهرة الفاطمية، وسعر التذكرة يبدأ من 30 جنيه.
العنوان: طريق صلا سالم – الدراسة.
