The Definitive Guide to Living in the Capital , Cairo , Egypt

كل أم وأب محتاجين يخرجوا أطفالهم علشان يستمتعوا بجو مميز ويغيروا مودهم ويخرجوهم من حالة الضغط العصبي الأسبوعية، وحتى الكبار بيكونوا عاوزين يخرجوا في جو جديد ومميز ومايبقوش مضغوطين، وفي نفس الوقت تكون خروجة مناسبة للظروف الاقتصادية الحالية، وعلشان كده هنعرفكم على “جزيرة السعادة”، وده مكان هتقدروا تلعبوا وتهيصوا وتاكلوا وتنبسطوا فيه في أي يوم تختاروه.

 

الداي يوز في جزيرة السعادة هتقدروا فيه تركبوا خيل، وعجل وبتش باجي، وكمان مركب تصطادوا منها، وتنبسطوا بالتنطيط على الترمبولين وتركبوا مراجيح، وده غير كمان البيسين والزحلقة على الأكوا، وعندهم ألعاب قوة وشد حبل وسرعة، وميني جيم وبوكس.

من ضمن الألعاب الموجودة في “جزيرة السعادة” البنج بونج والبلياردو والبيبي فوت والهوكي، والبلاي ستيشن وألعاب النيشان والتليمتش، وطاولة ودومنو وكوتشينة وكل ده أكيد هيروق مزاجكم.

استني لسه مخلصناش علشان مزاجكم يبقى رايق، عندهم ملعب صابون ولو أنتم أبطال يبقى ماتتزحلقوش، وكمان عندهم لعبة الأطفال الكبار السلم والثعبان، ولو دماغكم رايقة ألعبوا شطرنج، وده غير كمان ميكي وعائلته اللي هيكونوا في انتظاركم، ولو كنتم رياضيين وييجي منكم ونفسكم طويل، يالا على ملعب كرة القدم أو الطاولة أو التنس واليد، والبقاء للنفس اللي هيكمل.

وكمان لو حسيتوا أنكم مكبوتين وعاوزين تنتقموا، فرصتكم هتجيلكم لما تلعبوا لعبة الحرب مع  أهلكم وأصحابكم في حرب الألوان والبلالين، وخلصوا وانتصروا أو اتهزموا ويالا علشان الذكرى تكون حلوة تتصوروا باللبس الفرعوني والهندي والفلاحي وغيرهم، ومش كده وبس، هما كمان بيوفروا الفطار والغداء اللي بيكونوا على البيسين وفيه قعدة عربي كمان في المطعم بتشوفوا منها أهرامات سقارة، وكل ده بسعر مناسب جدًا.

العنوان: محافظة الجيزة – طريقة المريوطية سقارة بعد معهد المدينة.

رقم التليفون: 01025080696

وتقدروا تعرفوا أكتر من خلال صفحتهم على الفيسبوك من هنا.