تطبيقات هتسهل حياتك اليومية في القاهرة (دفع فواتير وإنهاء مصالح حكومية وأكثر)
بوابة وزارة الداخلية تطبيق فيزيتا تطبيق ماي فوري تطبيقات خدمية تطبيقات هتسهل حياتك في مصر منصة مصر الرقمية
Cairo 360
الصورة الرئيسية: Benjamin Sow
من حسن حظنا أن التكنولوجيا قدمت لنا تطبيقات مهمة قادرة تسهل حياتنا في القاهرة، منها تطبيق هيقلل انتقالك للمصالح الحكومية، وتطبيق لدفع الفواتير، وغيرها من التطبيقات الخدمية المفيدة. تعالوا نتعرف على أهم التطبيقات اللي بجد هتسهل حياتك اليومية في القاهرة وهتخلي مشاويرك المجهدة أقل بكثير.
بوابة مصر الرقمية
بوابة مصر الرقمية هي منصة رقمية بتقدمها الحكومة المصرية، وبتركز بشكل أساسي على خدمات التأمين، التموين، التوثيق والسجلات التجارية وأكثر.. هتحتاج بس تسجل في المنصة وبعدها هتظهرلك كل الخدمات زي خدمات الكهرباء، الأحوال المدنية، الصحة، التعليم والجامعات والأحوال القانونية الجنائية، وخدمات التموين
تطبيق MyFawry
تطبيق MyFawry هيسهلك دفع معظم الفواتير اللي ممكن نسيانها يسبب لك مشكلة، التطبيق هو بديل لماكينات فوري المتاحة في المحلات والأكشاك، ومن خلال التطبيق، وباستخدام بطاقتك الائتمانية هتقدر تدفع فواتير شركات المحمول والإنترنت، ده غير فواتير الكهرباء والماء والغاز، وهتقدر تدفع كمان شتراكات النقابات، والتأمين الخاص بك، وتراخيص السيارات، ومخالفات المرور، ومصاريف الجامعة والمدرسة، وتذاكر الطيران وأكثر.
تطبيق Vezeeta
نقدر نقول إنه أهم تطبيق بيتعلق بصحتك! تطبيق Vezeeta من التطبيقات المهمة اللي بتتيح لك القيام بحجز العيادات من خلاله، ده غير حجز مواعيد لإجراء التحاليل والعمليات المختلفة (معظمها عمليات تجميل) ومتاح إمكانية الإتصال بطبيب لعرض حالتك عليه لو كانت الحالة مش محتاجة الذهاب للعيادة أو المستشفى، وكمان فيه إمكانية شراء الأدوية من خلال التطبيق لأنه متعاقدٌ مع أهم الصيدليات.
بوابة وزارة الداخلية
مش محتاج تروح قسم شرطة أو المرور مع التطبيق ده! هتقدر تستخرج أوراقك الخاصة بالمرور، زي إصدار ملصق السيارة الإلكتروني واستخراج رخصة السيارة الخاصة بك أو عمل بدل فاقد وتالف. ده غير خدمات تصاريح العمل وتجديد البطاقة الشخصية أو استخراج بدل فاقد، واستخراج الصحف الجنائية، والقيد العائلي، ووثيقة الطلاق، وقيد الوفاة وأكثر. هتسجل برقمك القومي وبعدها هتبدأ في إنجاز أوراقك.
مقترح
معالم وسياحة
مرسوم عليه أعداء مصر.. شوف "صندل" توت عنخ آمون في المتحف المصري الكبير
أعداء مصر المتحف المصري الكبير +3
كتب
