Cairo 360
طبعًا العنوان غريب، لكن ده اللي أظهره بالفعل تصنيف سنوي بيعمله بنك UBS السويسري. وبيشمل 77 مركز حضاري. إن زوريخ المركز المالي السويسري، هي أغلى مدينة كبرى في العالم. أما القاهرة فهي الأرخص. وده حسب موقع “الحرة”.
الدراسة اللي شملت مدن وعواصم عالمية تانية، أظهرت مثلًا إن القوة الشرائية في لوس أنجلوس أعلى من نيويورك. يعني سكان لوس أنجلوس يقدروا يشتروا أكتر من سكان نيويورك بمقدار الربع.
وده غير نسب الشراء ومعدلات الأجور، اللي بتتفاوت من مدينة للتانية حول العالم.
أما القاهرة فبرغم الزحمة والتلوث وازدياد الأسعار مؤخرًا إلا أنه تم اختيارها على إنها الأرخص وده طبقًا للتصنيف، وبطريقة بسيطة ممكن تقارن ده لو حسبت علشان تخرج تروح سينما مثلًا وتتعشى أنت ومراتك هتدفع كم في مصر أو في أي دولة من دول العالم، لكن بالنسبة للناس العادية التصنيف ده مش هيفرق معاهم كتير.
