The Definitive Guide to Living in the Capital , Cairo , Egypt

كتير مننا بيبقى عنده حالة طارئة في البيت، زي ثلاجة مش شغالة، غسالة باظت، ماسورة اتكسرت، جلدة حنفية علقت، فوضى في البيت وفيه ضيوف جايين، وكمان ممكن ما نلقاش صنايعي كويس يساعدنا، ولو لقينا بيكون السعر اللي طالبه مبالغ فيه.. طب إيه الحل؟

إحنا في كايرو 360 جربنا شركة “تاسكتي” للخدمات علشان ننقل لكم تجربتنا اللي أكيد هتساعدكم كتير في حياتكم وهتعتمدوا عليها في أي وقت.

أولا الشركة بتعتمد على موقعها الإلكتروني وموبايل أبليكيشن علشان تقدر تطلب خدمة من عندهم، وكمان، تقدر تكلمهم على رقم التليفون 0233312727، بس هتاخد وقت علشان توصل لهم لأن دائمًا موظفيهم مشغولين.

في مرة اتكسر عندنا  محبس “السخان”، وكانت الساعة 8 بالليل، وما فيش صنايعي في المنطقة موجود، ودورنا على النت علشان نجيب أرقام حد قريب مننا ولكن للأسف البعض اتحجج بأنه مش فاضي، والباقي قال أن المشوار بعيد عليه ومش مستاهلة ييجي لنا علشان محبس.

لحد ما لقينا “تاسكتي” في إعلان على النت، وقررنا نكلمهم، وبالفعل كلمناهم وقلنا لهم عندنا مشكلة كذا، وطلبوا “العنوان – رقم التليفون – تفاصيل أكتر عن الموعد اللي محتاجين فيه الصنايعي”، وقالوا لنا هنرجع نكلمكم تاني، وبالفعل بعدها بـ10 دقائق كلمنا صنايعي، وقال إنه من الشركة، وكمان هو عنده شغل في دار السلام هيخلصه وييجي، وسألنا لو مناسب أو لأ لينا، وطبعًا قلنا له مناسب، واتفقنا.

بعدها الشركة كلمتنا وقالت لنا هل الصنايعي أكد الحضور وكلمكم، وأكدنا معاهم الأوردر، وقالوا لنا إن تكلفة المعاينة والمواصلات 25 جنيه، وكمان لو ما عجبنيش سعر الصنايعي اللي هيحدده للصيانة، ممكن أطلب حد غيره بدون أي رسوم تانية، وطبعًا الصنايعي كلمنا تاني ووضحنا له المشكلة بالظبط علشان يجيب معاه قطع الغيار، ووصل على الساعة 11 بالليل، وشاف المشكلة وخيرنا بين المحابس اللي كان جايبها معاه، واخترنا اللي عاوزينه، واخترنا النوع اللي احنا لقيناه مناسب سعرًا وخامة، وركبه، وكمان صلح حنفية المطبخ وغير جلدة، وفي الآخر أخد 75 جنيه شاملة مصاريف المواصلات والمعاينة، بعد الفصال معاه.

الحقيقة، إحنا في كايرو 360 مسكتناش ودورنا ورا الشركة ولقينا أنها بتعمل حاجات كتير جدًا، زي “النظافة – الرش – صيانة كهرباء – تركيب دش – ألوميتال – حدادة – رخام – استورجي – نقاشة – نجارة – سيراميك – باركيه – أسقف معلقة – محارة – أعمال حدائق”، وكمان هما بيرفضوا أن أي صنايعي يعمل حاجة من غير ما يتفق مع العميل على السعر الأول، ومن حقك ترفض أو توافق.

فقررنا نجربهم مرة تانية، ونطلب خدمة صعبة، وبالفعل بعتنا لهم من خلال الموقع وطلبنا خدمة النظافة المنزلية، اللي كانت بسعر 170 جنيه، و25 جنيه مواصلات، يعني 195 جنيه، واتواصلوا معانا واتفقنا على ميعاد، وطلبوا تجهيز أدوات النظافة، وحضر شخص واحد لأن المساحة “غرفتين” فقط، في الموعد بالتمام، وبدأ عمله بأمانة شديدة، ونظف الشقة كاملة من التراب، وكنس ومسح ونظف الشبابيك والمطبخ والحمام، وكمان غسل المواعين، وحتى بعض الشرابات اللي كانت موجودة غسلهم، رغم إننا ما طلبناش منه أي حاجة من دول، ونظف الترابيزات والأنتريه والمكاتب، ولمع السيراميك كمان.

الحقيقة شركة تاسكتي، خدماتهم وجودتهم تستحق الشكر.

علشان تستفيدوا من الخدمات دي ممكن تتواصلوا معاهم عن طريق موقعهم الإلكتروني هنا

أو من خلال صفحة الفيس بوك هنا

أو من خلال رقم التليفون 0233312727