The Definitive Guide to Living in the Capital , Cairo , Egypt

أسعار الشقق أصبحت عالية جدًا في القاهرة، لكن هل ده معناه أنك ماتقدرش تشتري شقة؟ الحقيقة أفضل حل في الوقت الحالي للحصول على شقة هو شقق الإسكان الاجتماعي، خصوصًا أن بعضها حاليًا مستواه عالي جدًا وفي أماكن مستواها مميز، وهتلاقي كل الخدمات اللي أنت محتاجها، ومؤخرًا أعلنت وزارة الإسكان، ممثلة في الهيئة العامة لتعاونيات البناء والإسكان، عن مشروعين إسكان مميزين متاح حجزهم حاليًا.

تعالوا نعرف تفاصيل المشروعين وأماكنهم وأسعارهم.

المشروع الأول: مشروع نزهة التجمع الثالث

هو مشروع نزهة التجمع الثالث بالقاهرة الجديدة؛ وهيستمر الحجز لحد يوم 15 أغسطس، وبتكون الشقق دي تابعة لصندوق حساب تمويل الإسكان الاقتصادي التابع لوزارة الإسكان.

وتم طرح كراسات الشروط على موقع بنك التعمير والإسكان هنا.

وبتبدأ أولى عمليات الحجز بعمل حساب على الموقع الإلكتروني المخصص للحجز، وسداد مقدم جدية الحجز اللي بيصل إلى 150 ألف جنيه، بالإضافة إلى 1000 جنيه مصروفات إدارية.

وبتتنوع مساحة الوحدات المطروحة ما بين 115 متر و137 متر، بفترات أقساط تتراوح بين 3 سنوات و5 سنوات، وبتبدأ أسعار الشقق من 2 مليون جنيه وحتى 2.4 مليون جنيه.

المشروع الثاني: الإسكان المتميز فالي تاورز حدائق أكتوبر

أما مشروع الإسكان المتميز فالي تاورز حدائق أكتوبر؛ فبدأ الحجز بشكل رسمي يوم 30 يونيو، وهيستمر حتى يوم 30 أغسطس، من خلال الموقع الإلكتروني لحجز الشقق هنا.

وبيصل عدد الوحدات المطروحة لـ984 وحدة، ومساحة الوحدات بتتراوح من 95 إلى 100 متر، وتسليم الوحدات فوري.

والشقق في مدينة حدائق أكتوبر على طريق الواحات وبالقرب من ميدان الرماية وأمام منطقة حدائق الأهرام، وبيصل مقدم الحجز إلى 150 ألف جنيه، وبيصل سعر الشقة إلى 1.5 مليون جنيه.