بعد إغلاقها للتطوير.. أفضل بدائل في القاهرة لحديقة حيوان الحيزة
بدائل لحديقة الحيوان بديل حديقة الحيوان حدائق فيها حيوانات حديقة الأسماك حديقة الحيوان خروجة العيد غلق حديقة الحيوان
Mohamed Talaat
الصورة الرئيسية: Leandra Giger
زيارة حديقة الحيوان خلال العيد كانت من أهم العادات لفئة كبيرة من المصريين، وفيه ارتباط أبدي ما بين الحديقة وزيارتها وبين الأعياد وإجازاتها، ولكن للأسف لأول مرة هيكون عيد الفطر من غير حديقة حيوان الجيزة بسبب التطوير اللي بيتم حاليًا فيها، وده صعب علينا وعندنا شعور أن مافيش عيد من غير زيارة حديقة حيوان، وعلشان كده هنقولكم على 3 بدائل لحديقة الحيوان متاح زيارتها واللعب مع الحيوانات وينفع تأكلوها كمان، وتستمتعوا بالأشجار النادرة في واحدة منها.
روز بلازا
موجودة داخل فندق طيبة روز بلازا، ودخول الفندق نفسه بيكون بـ40 جنيه للفرد، ودخول حديقة الحيوانات مجانًا، وهي ميني حديقة حيوان وفيها مجموعة قليلة من الحيوانات والطيور، وتقدروا تأكلوهم بنفسكم وتتصوروا معاهم وهما بيوفروا باسكت أكل بسعر 10 جنيه، وهتلاقوا عندهم “نعام – نسناس – بط – طاووس – دجاج فرعوني – آيل أوروبي – ماعز – كبش – حمام – بجع”، ده غير العصافير والبغبغانات.
العنوان: فندق طيبة روز بلازا – التجمع الخامس – بالقرب من مسجد المشير.
وتقدروا تعرفوا أكتر عنهم من خلال صفحة الفيسبوك من هنا.
فاميلي بارك
تعتبر من أشهر الحدائق الموجودة حاليًا في القاهرة، وعندهم مجموعة من الحيوانات الأليفة اللي ممكن تتفرجوا عليها وتتصوروا وتلعبوا معاها وتأكلوها كمان، وسعر تذكرة الدخول تبدأ من 70 جنيه.
تقدروا تعرفوا أكتر عنهم من خلال صفحة الفيسبوك من هنا.
حديقة الأسماك
على الرغم من عدم وجود حيوانات فيها، لكنها على الأقل هتعوض حبنا للكائنات الحية من خلال وجود أسماك نادرة فيها، وهي كمان من الأماكن اللي هتحسوا معاها بحنين حديقة حيوان الجيزة لأنها من اقدم الحدائق في القاهرة (تم بناءها سنة 1867 في عهد الخديوي اسماعيل) وهتلاقوا فيها روح حديقة الحيوان وسط الأشجار والنخيل والمباني النادرة، وسعر تذكرة الدخول 5 جنيه للمصريين.
تقدروا تعرفوا أكتر عنها من خلال صفحة الفيسبوك من هنا.
