The Definitive Guide to Living in the Capital , Cairo , Egypt

مصدر الصورة.

القاهرة بتتميز بتاريخ عريق وتواجد لكتير من الفنون التراثية. وصناعة الفخار واحدة من الحرف اللي عايشة من مئات السنين في القاهرة.. ومؤخرًا أعلنت الحكومة المصرية عن إعادة افتتاح قرية الفواخير بعد تطويرها.. تعالوا نتعرف أكتر على القرية دي.

بحسب تصريحات إعلامية للدكتور أحمد بدران أستاذ الآثار والحضارة المصرية القديمة لقناة “تن”، افتتاح وتطوير قرية الفواخير في مدينة الفسطاط بمصر القديمة، خطوة بتتماشى مع فلسفة الدولة المصرية الجديدة، وافتتاح القرية رسميًا بعد تطويرها هو استكمال للمشروعات اللي تم افتتاحها بالفعل مؤخرًا، زي تطوير بحيرة عين الصيرة وممشى أهل مصر وغيرها.

وقال “بدران” إن قرية الفواخير هي عبارة عن قرية كانت شهيرة بإنتاج الفخار، وكان الحرفيين وصناع الفخار بيتمركزوا فيها لكن كانوا بيشتغلوا بأسلوب بدائي وعتيق من غير تطوير، لكن حاليًا تم تقديم مساعدة لهم وتسلموا أفران بتشتغل بالإشعال الذاتي وبتعمل بالغاز بدل الأفران القديمة اللي كانت بتستخدم مواد ملوثة للبيئة.

كمان تم تم تحديد أماكن للورش، وتم التوصية بعمل أرفف لعرض الفخار بطريقة قيمة بدل طريقة التشوين اللي كانت متبعة سابقًا.

وبتضم قرية الفواخير 152 فاخورة على مساحة 13 فدان، وشملت أعمال تطوير القرية استكمال توصيل جميع المرافق (المياه والكهرباء والغاز والصرف).

ومؤخرًا، افتتح اللواء محمود شعراوي وزير التنمية المحلية، وخالد العناني وزير السياحة والآثار، ونيفين جامع وزيرة التجارة والصناعة، واللواء خالد عبدالعال محافظ القاهرة، أعمال تطوير قرية صناعة الفخار “الفواخير” بالفسطاط، بهدف إحياء واحدة من أقدم الحرف التراثية بمصر من عهد قدماء المصريين.