The Definitive Guide to Living in the Capital , Cairo , Egypt

علشان المترو وسيلة مواصلات موفرة وسريعة وعملية، وعلشان عدد كبير من أهالي القاهرة وزوارها بيفضلوا التحرك في مدينتنا المزدحمة عن طريق المترو، هنعرفكم في السطور الجاية على محطة مترو الجيزة النفقية الجديدة، واللي بدأت شركة أوراسكوم المصرية للإنشاءات العمل على تنفيذها ضمن الخط الرابع لمترو القاهرة الكبرى، واللي هتكون أسفل محطة مترو الجيزة العلوية القائمة ضمن الخط الثاني لمترو القاهرة الكبرى.

وأعلنت محافظة الجيزة، في أغسطس اللي فات، أنه فى إطار تنفيذ المرحلة الأولى لمشروع مترو الأنفاق الخط الرابع والمار بشارع الأهرام قامت الهيئة القومية للأنفاق بإجراء الغلق الكلي للمنطقة أعلى نفق نصر الدين حتى سور مترو الأنفاق والسكة الحديد.

بدء أعمال التنفيذ

وهيتم تنفيذ رصيف مشاة بعرض 2.5 متر لخدمة المواطنين بمنطقة الجيزة وكمان المترددين على محطة مترو الأنفاق الخاصة بالخط الثاني وتركيب كشافات للإنارة بالإضافة إلى تنفيذ حارة طوارئ تسمح بمرور عربات الاسعاف والمطافئ فى حالة الضرورة القصوى.

وتقرر تنفيذ محطة مترو الجيزة الجديدة بالخط الرابع كمحطة نفقية بسبب التحديات الهندسية بالمنطقة ومنها وجود نفق نصر الدين بشارع الأهرام، وخط السكة الحديد القاهرة – السد العالي، ومنطقة محطة مترو الجيزة القديمة، وده تطلب الحفر لإقامة مسار ومحطة نفقية.

الخط الرابع هيتبادل الخدمة مع الخط الثاني بمحطة الجيزة

ومن المخطط أن يتبادل الخط الرابع لمترو القاهرة الكبرى الخدمة مع الخط الثاني للمترو، وهيتقاطع ويتبادل الخدمة مع الخط الأول للمترو بمحطة الملك الصالح وصولًا إلى محطة الفسطاط نهاية المرحلة الأولى، وبكدة هيحقق الخط ده الربط بمرحلته الأولى بين محافظة القاهرة ومحافظة الجيزة ومدينة السادس من أكتوبر.

المرحلة الاولى من الخط الرابع لمترو القاهرة

وجاري حاليًا تنفيذ المرحلة الأولى من الخط الرابع لشبكة مترو أنفاق القاهرة الكبرى، واللي بيبلغ طولها 19 كم وبتشتمل على 16 محطة نفقية ومحطة واحدة بس سطحية، وهيبدأ مسار المرحلة من محطة “حدائق الأشجار” على حدود مدينة 6 أكتوبر مرورًا بالمتحف المصرى الكبير ثم ميدان الرماية ثم شارع الهرم حتى محطة الجيزة وبعدها هيعبر المسار من تحت نيل القاهرة إلى محطة الملك الصالح للمترو وصولًا إلى محطة الفسطاط نهاية المرحلة الأولى.

ومن المقرر افتتاح المرحلة الأولى من الخط الرابع لمترو القاهرة الكبرى في عام 2027، واللي بتضمن 17 محطة بطول 18 كيلومتر، وبتشمل محطة مترو الجيزة النفقية الجديدة.

محطات المرحلة الأولى للخط الرابع لمترو القاهرة الكبرى

حدائق الأشجار – حدائق الأهرام – النصر – المتحف المصري الكبير – ميدان الرماية – الأهرامات – المريوطية – العريش – المطبعة – الطالبية – مدكور – المساحة – الجيزة – ميدان الجيزة – جزيرة المنيل – الملك الصالح – الفسطاط.

أبواب على الأرصفة وقطارات مترو يابانية

وكانت وزارة النقل وقعت مع شركة ميتسوبيشي اليابانية عقد لتصنيع وتوريد عدد 23 قطار لصالح الخط الرابع ‏لمترو الأنفاق مطابقة للمواصفات العالمية، وهيتم ولأول مرة في مشروعات مترو الأنفاق تركيب أبواب على الأرصفة Screen Doors لتحقيق أعلى مستويات الأمان.

وهيساهم الخط الرابع لمترو القاهرة الكبرى فور اكتماله في تقديم خدمة لنقل الركاب بالمناطق ذات الكثافة السكانية العالية في الهرم وفيصل والعمرانية والجيزة ومدينة نصر وجامعة الازهر والقاهرة الجديدة، ومن المتوقع خدمة حوالى 1.5 مليون راكب يوميًا.

الجدير بالذكر أن خط المترو الرابع بيعد الأول من نوعه اللي بيتم تنفيذه بالكامل بواسطة تحالف شركات مصرية وطنية، وهي كونكورد وبتروجيت وأبناء حسن علام وأورسكوم، وهتقوم الشركات المصرية ولأول مرة بتنفيذ الأعمال النفقية باستخدام 6 ماكينات حفر نفقى مملوكة لها ويقوم على إدارتها وتشغيلها أطقم من المهندسيين المصريين.