The Definitive Guide to Living in the Capital , Cairo , Egypt

الشغل مش عيب، العيب هو القعدة على القهوة من غير شغل، ولو بتفكر تعمل مشروع عربية أكل متنقلة فمهم تعرف إن محافظة القاهرة أعلنت عن شروط خاصة، هتخليك تحصل على ترخيص رسمي، وبكدة مش هتتعرض لأي مضايقة من البلدية، وهيبقى عندك مشروع خاص بيك.

ومحافظة القاهرة فاتحة حاليًا باب تلقي طلبات ترخيص عربيات الأكل المتنقلة، في جميع أنحاء العاصمة.. تعالوا نعرف الشروط مع بعض.

1 – أماكن التقديم هتكون هي المراكز التكنولوجية في الأحياء.

2 – لازم يكون مقدم الطلب من سكان محافظة القاهرة.

3 – كل شخص يتقدم للحى المختص التابعه له إداريًا.

4 – طالب الترخيص لازم يكون مصري الجنسية.

5 – من حق الجمعيات الأهلية والمؤسسات الأهلية التقدم للحصول على الترخيص.

6 – لازم يكون عمر المتقدم فوق 18 سنة.

7 – مايكونش اتحكم على مقدم طلب الرخصة عقوبة جناية، أو في جنحة مخلة بالشرف أو الأمانة، “مالم يكن قد رد إليه اعتباره”

طيب إيه هي الأوراق المطلوبة:

1 –  طلب موضح به اسم الطالب ولقبه وجنسيته ومحل إقامته.

2 – يتم توضيح نوع الوحدة والمساحة اللازمة لها والحيز الجغرافي المطلوب الترخيص له.

3 –   صورة بطاقة الرقم القومى سارية .

4 –  صحيفة الحالة الجنائية حديثة.

5 – شهادة تأدية الخدمة العسكرية أو الإعفاء منها أو تأجيلها بالنسبة للذكور.

7 –  ترخيص لتسيير الوحدة من قسم المرور المختص لو كانت من المركبات المعدة للسير على الطرق .

8 –  شهادة معتمدة من الهيئة القومية لسلامة الغذاء تفيد معاينة العربية.

9 –  استيفاء العربية للاشتراطات والمواصفات الفنية ذات الصلة بسلامة الغذاء لكل نوع من أنواع وحدات الأكل المتنقلة .