The Definitive Guide to Living in the Capital , Cairo , Egypt

القعدة في البيت مش أحسن حاجة لناس كتير، خاصة للناس اللي بيحبوا الخروجات وقعدة الكافيهات، لكنها مهمة علشان الظرف اللي العالم كله بيعاني منه حاليًا، وهو انتشار فيروس “كورونا” المستجد اللي أصاب أكتر من مليون شخص حول العالم، وإحنا بدورنا عاوزين نخفف عليكم ملل قعدة البيت، وهنقول لكم خلال السطور الجاية إزاي تعملوا ركن للقهوة، أو “كوفي كورنر” في البيت عندكم بأقل التكاليف.

في البداية لازم تعرفوا أنكم تقدروا تعملوا “كوفي كورنر” يكون أحسن من أي كافيه وبأقل الإمكانيات، وهنبدأ بأنكم لو محتاجين كراسي مناسبة هتلاقوها بسعر يبدأ من 89 جنبه، وترابيزات سعرها بيبدأ من 99 جنيه، وتقدروا تشتروهم من هنا، أما القهوة بأنواعها ونكهاتها تقدروا تشتروها بسعر يبدأ من 95 جنيه لكمية الـ 250 جرام من هنا.

كمان تقدروا تشتروا غلاية شاي من نوع كويس وبتستحمل وسعرها بيبدأ من 199 جنيه، وكمان ماكينة صناعة القهوة الأمريكي اللي سعرها بيبدأ من 299 جنيه، وتقدروا تشتروا الغلايات وماكينات القهوة من هنا، ولو بتحبوا القهوة التركي اللي بتتعمل على رمالة الكافيه أو سبرتاية فتقدروا تشتروا عدة القهوة اللي فيها “سبرتاية – كنكة نحاس  – 2 فنجان – 2 طبق” بأسعار بتبدأ من 125 جنيه من هنا.

أما الأكواب الزجاج للشاي وباقي المشروبات تقدروا تشتروها بسعر يبدأ من 50 جنيه للطقم من هنا، ولو محتاجين تشتروا مشروبات زي الينسون والجنزبيل والنعناع وغيرهم تقدروا تشتروهم بأسعارهم حسب النوع واللي بيبدأ من 15 جنيه، وتقدروا تشتروهم من هنا.

طيب بعد ما جبنا المعدات دي كلها، محتاجين إنكم تخصصوا مكان في البيت بمساحة على قدر عدد الكراسي والترابيزات، وماتنسوش تعملوا حساب ترابيزة المشروبات اللي هتعملوا عليها مشروباتكم.

أول حاجة لازم تعملوها هي ترتيب المكان ورص الحاجة على الترابيزة بالشكل اللي هتحبوه، سواء كان مودرن أو كلاسيك.. الخ، وهتبدأوا تعملوا ترتيب لكل حاجة، “ماكينة القهوة – غلاية المياه – المكونات – المجات والفناجين”، وكمان ماتنسوش تعملوا مكان للباسكت قريب من ترابيزة المشروبات علشان تحطوا فيها كل المخلفات، ولازم دايمًا تهتموا بنظافة المكان، وأكيد بسبل الوقاية الكاملة للحفاظ على منع الاختلاط.

بكده هيبقى عندكم “كوفي كورنر” في البيت فيه الأساسيات، هيساعدكم ماتخرجوش من البيت، وهيعوضكم عن قعدة الكافيهات، وأهم ما في الموضوع ان الـ “كوفي كورنر” ده هيحافظ عليكم وهيمنع انتشار العدوى الخاصة بفيروس كورونا وانتقالها لكم، وماتنسوش طبعًا تشغلوا المزيكا اللي بتحبوها سواء عن طريق الموبايل أو الساوند سيستم لو موجود عندكم في البيت، وممكن تشغلوا أي أغاني بتحبوها من موقع ساوند كلاود هنا.

وإحنا بنرشح لكم تسمعوا أغنية “خليك في البيت” للمطربة فيروز، وأنتم بتشربوا أحلى قهوة.