النهارده في القاهرة: نجوم وأغاني وعروض فنية هتفرفشك وتغير مودك
Cairo 360
صحيح الشغل مهم، بس مش كل حاجة. والواحد لازم يخرج ويدلع نفسه شوية برضه، علشان يعرف يشتغل كويس وينتج. يلا نعرف الجديد من اجندة كايرو 360:
بصوته القوي والمميز، الفنان علي الحجار هيحيي النهارده حفلة غنائية على مسرح النهر في ساقية الصاوي. الحفلة هتبدأ الساعة 9 مساءً. وسعر التذكرة من 70 لـ 120 جنيه.
سينما دال في جاردن سيتي هتعرض الفيلم الإيطالي “The Gospel According to St. Matthew”. وهو فيلم روائي عن حياة السيد المسيح، من وجهة نظر المخرج “بازوليني”. العرض هيبدأ الساعة 7:30 مساءً. الدخول مجانًا.
عشاق الزار والأغاني الشعبية، ميعادهم مع حفلة زار هتقدمها فرقة مزاهر في مكان. الحفلة هتبدأ الساعة 8 مساءً. سعر التذكرة: 40 جنيه.
أما فرقة باليه أوبرا القاهرة، فمستمرة في تقديم باليه “زوربا”، على المسرح الكبير في دار الأوبرا المصرية. العرض هيبدأ الساعة 8 مساءً. سعر التذكرة: 75 – 100 – 150 جنيه.
يا رب تنبسطوا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
