النهارده في القاهرة: مسرحية وفيلم وحفلات موسيقية
Cairo 360
خروجات وحفلات القاهرة مش بتخلص، وبالتالي أجندة كايرو 360 دايمًا فيها جديد. تعالو نشوف النهارده هنقضي السهرة فين:
فرقة المسرح الغنائي المصري، هتقدم المسرحية الموسيقية “ليلة” على مسرح الماركيي في كاير فستيفال سيتي. وبتدور عن الصراع المستمر دايمًا بين الخير والشر. العرض هيبدأ الساعة 8 مساءً. وسعر التذكرة من 50 لـ 350 جنيه.
الفنان فتحي سلامة هيقدم حفلة روك شرقي مع فرقة شرقيات، على المسرح المكشوف بدار الأوبرا المصرية. الحفلة هتبدأ الساعة 8 مساءً. سعر التذكرة: 50 جنيه.
نروح لساقية الصاوي وحفلة موسيقية للفنانة ميرفت وجدي، في قاعة الحكمة. الحفلة هتبدأ الساعة 8 مساء. وسعر التذكرة: 45 – 50 جنيه.
أما رووم آرت سبيس فبيعرض فيلم “Amour”. اللي بيدور عن الثنائي “جورج” و”آن” كبار السن اللي بيعيشوا قصة حب قوية جدًا. وفي يوم “آن” بتتعرض لأزمة مرضية، هتحط قصة الحب دي تحت الاختبار. العرض هيبدأ الساعة 8 مساءً. سعر التذكرة: 30 جنيه.
يا رب تنبسطوا
