النهارده في القاهرة: ليلة مع أجواء الزار المبهجة في مكان
Cairo 360
الجو كل يوم بيشد علينا، وكأنه له تار عندنا. بس لما الموضوع يكون فيه خروجات، مافيش حاجة هتمنعنا نخرج نعيش حياتنا حتى الحر! خلينا نعرف خروجات النهارده، من أجندة كايرو 360:
الزار من الأشكال الموسيقية اللي بتمثل جزء من تراثنا. وفيه منه في مصر 3 أنواع: زار صعيدي – زار أبو الغيط – زار سوداني. فرقة مزاهر هتقدم عرض الزار الصعيدي، أو المصري في مكان.الحفلة هتبدأ الساعة 8 مساءً. وسعر التذكرة: 40 جنيه.
على مسرح الهوسابير في وسط البلد، فريق “دريم تيم” هيقدم مسرحية “الخوف”. المأخوذة عن رواية الراحل ثروت أباظة “شيء من الخوف”. العرض هيبدأ الساعة 7:30 مساءً. وسعر التذكرة: 25 جنيه.
النهارده ميعادكم مع 3 أفلام في سينما زاوية، ضمن فعاليات مهرجان “أيام القاهرة السينمائية”. الأفلام هي: سمير في الغبار – بزنس كالعادة – شوكولاتة الفرعون. العرض هيبدأ الساعة 4 مساءً. والدخول مجانًا.
سينما مجنوليا في الزمالك، هتعرض فيلم “Dogtooth”. وبيدور عن 3 مراهقات بيعيشوا حياتهم في عزلة تامة، بسبب سيطرة أهلهم. اللي بيمنعوا خروجهم من البيت لحد ما أنيابهم (أسنانهم) تقع. العرض هيبدأ الساعة 7 مساء. الدخول مجانًا، والفيلم للكبار فقط.
يومكم لذيذ.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
