النهارده في القاهرة: لو الماتش زعلك.. إحنا هنبسطك
Cairo 360
صباح الخير على أجمل ناس في القاهرة. طبعًا الكل زعلان بعد نتيجة الماتش إمبارح، وده أمر طبيعي. بس أجندة كايرو 360 معمولة مخصوص علشان الأوقات اللي زي دي، اللي بنحتاج فيها نغير المود ونظبطه. فتعالوا نشوف جايبة معاها إيه النهارده:
في دار الأوبرا المصرية، فريق رباعي أوتار الأوبرا هيحيي حفلة موسيقية مميزة على المسرح الصغير. وبيشاركهم في الحفلة الفنانة أميرة رضا. الحفلة هتبدأ الساعة 8 مساءً. وسعر التذكرة: 25 – 35 جنيه.
لليوم الثاني على التوالي بتعرض علبة ألوان في الزمالك، فيلم “20 سبتمبر” أو المعروف باسم “هدية من الماضي”. الفيلم بيدور عن طالبة في معهد السينما بتجيب لوالدها في عيد ميلاده تذكرتين سفر لروما. علشان يسافر يدور على حبه القديم هناك. العرض هيبدأ الساعة 7 مساءً. وسعر التذكرة: 50 جنيه.
أما لو عايز تفرفش وتغني مع أصحابك، يبقى ماتفوتش حفلة الكاريوكي اللي عاملها رووم في الزمالك. الحفلة هتبدأ الساعة 8 مساءً. سعر التذكرة: 50 جنيه.
نروح لمصر الجديدة، وتحديدًا في بلكون هليوبوليس، اللي هيعرض النهارده فيلم “Ingrid Bergman in Her Own Words”. الفيلم بيتكلم عن قصة حياة الممثلة السويدية “إنجريد بيرجمان”. اللي بقت واحدة من أشهر نجوم السينما الأمريكية. العرض هيبدأ الساعة 7:30 مساءً. سعر التذكرة: 25 جنيه.
يومكم بيضحك.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
