النهارده في القاهرة: فرقة الحضرة ومزاهر ومسلسلات وأفلام
Cairo 360
القاهرة مش بتنام. وعلشان كده دايمًا فيها حفلات وعروض.. دي حفلات وخروجات القاهرة النهارده، من أجندة كايرو 360:
ييلو أمبريلا في المعادي هتعمل ماراثون لمسلسل “Friends“، وهتعرض حلقات من المسلسل ورا بعض. العرض هيبدأ الساعة 9 مساءً. وسعر التذكرة: 30 جنيه.
فرقة الحضرة للإنشاد الصوفي، هتقدم مجموعة من أحلى الأناشيد الدينية، على المسرح المكشوف في دار الأوبرا المصرية. الحفلة هتبدأ الساعة 9:30 مساءً. وسعر التذكرة: 50 جنيه.
أما سينما دال في جاردن سيتي، هتعرض فيلم “Wings of Desire“. وبيدور الفيلم عن الملاكين “داميل وكاسيل”، اللي عايشين في برلين. وبيساعدوا الأطفال والناس الطيبين. العرض هيبدأ الساعة 9 مساءً. الدخول مجانًا.
ونروح لمكان، مع حفلة زار وأغاني شعبية، هتقدمها فرقة مزاهر. والزار ده نوع من الفنون، بتحتل فيه المرأة دور أساسي. الحفلة هتبدأ الساعة 9 مساءً. وسعر التذكرة: 40 جنيه.
استمتعوا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
