النهارده في القاهرة: غير المود وفرفش بأفلام مختلفة هتبسطك
Cairo 360
الجو بدأ يتظبط شوية، ودي حاجة كويسة، علشان مانبقاش راجعين من الشغل مفرهدين ونكسل نخرج. يلا نعرف إيه خروجات النهارده، من أجندة كايرو 360:
“يلو أمبريلا” في المعادي هيعرض فيلم الأنيميشن “Zootopia”. الفيلم بيدور عن مدينة كبيرة عايشة فيها الحيوانات بسلام. لحد ما يحصل تعاون بين أرنبة شرطية، وثعلب محتال، علشان ينقذوا المدينة من مؤامرة شريرة. العرض هيبدأ الساعة 7 مساء. سعر التذكرة: 30 جنيه.
الموال هو ملك الغناء الشعبي على مر الأجيال. وفي “مكان” هيكون لنا ميعاد، مع حفلة لأغاني المواويل. هتقدمها جمالات ورضا شيحة. الحفلة هتبدأ الساعة 8 مساءً. وسعر التذكرة: 40 جنيه.
سيما دكة في دكة أضف، هتعرض فيلم “Taxi Driver”. اللي بيدور عن مقاتل سابق في حرب فيتنام، بيشتغل سائق تاكس في نيويورك. وبيمر بعدد من الأحداث الخطيرة خلال شغله. العرض هيبدأ الساعة 7 مساءً. والدخول مجانًا.
النهارده آخر يوم في مهرجان “أيام القاهرة السينمائية”، في سينما زاوية. والأفلام المعروضة هي: خارج الحياة – النسور الصغيرة – الرياح الداكنة. العرض هيبدأ الساعة 4 عصرًا. والدخول مجانًا.
يوم سعيد.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
