النهارده في القاهرة: عيش الإثارة والغموض.. وخد لك لفة في مصر كلها
Mohammed Sabry
مساء الفل على كل القاهراوية في كل مكان. أيام الأسبوع مكملة في الشغل والروتين وكل اللي إحنا عارفينه، فتعالوا على طول ناخد لفتنا في أجندة كايرو 360 النهارده:
نروح نبدأ من دار الأوبرا، مع عرض “علاء الدين” اللي بتقدمه فرقة فرسان الشرق للتراث. العرض هيبدأ الساعة 8 مساءً على المسرح الكبير. سعر التذكرة: 50 – 75 جنيه.
بلكون هليوبوليس في مصر الجديدة هيعرض فيلم الإثارة والغموض “The Girl on the Train”. واللي بتدور أحداثه عن امرأة بتتورط في تحقيق خاص بأشخاص مفقودين. العرض هيبدا الساعة 7:30 مساءً. وسعر التذكرة: 25 جنيه.
أما الناس اللي غاوية سفر وكتب عن السفر فميعادهم النهارده مع لقاء مفتوح مع الكاتبة “شيرين عادل” في مكتبة مصر الجديدة. وهي أول مصرية تسافر حول مصر على دراجة نارية. ولها 3 كتب: الأولة باريس – الفيروزية – هوستيل. اللقاء هيبدأ الساعة 6 مساءً والدعوة عامة.
اختاروا اللي بتحبوه، وشوفوا هتنبسطوا إزاي.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
