The Definitive Guide to Living in the Capital , Cairo , Egypt

كتب: محمد صبري

تعالوا نشوف أجندة كايرو 360 فيها إيه النهارده:

طبعًا لازم نبدأ بالحدث الأهم، وهو حفلة الموسيقار عمر خيرت على المسرح الكبير في دار الأوبرا المصرية. واللي هايحيي حفلتين، النهاردة وبكرة. الحفلة هتبدأ الساعة 8 مساءً. وسعر التذكرة هيكون من 200 لـ 500 جنيه.

عشاق الفن الشعبي والتراث، ميعادهم النهارده مع حفلة زار، بتقدمها فرقة مزاهر في مكان. والزار هو واحد من الفنون اللي بتعتمد على الاستعراض والغناء، وبتحتل فيها المرأة دور رئيسي. الحفلة هتبدأ الساعة 8 مساءً. سعر التذكرة: 40 جنيه.

عروض الماريونت لها جمهور كبير، وعلشان كده مساحة أوزيريس في القصر العيني هتستضيف عرض الماريونت “One Man Show”. اللي بيقدمه الفنان محمد نعيم. العرض هيبدأ الساعة 8 مساءً. وسعر التذكرة: 25 جنيه.

وطبعاً مش ناسيين جمهور الأفلام، اللي ميعادهم النهاردة مع الفيلم الفنلندي “The Man Without a Past” في سينما دال بجادرن سيتي. لعرض هيبدأ الساعة 7:30 مساءً، والدخول مجانًا.

يوم مليان فعاليات مميزة، ماتضيعوش فرصة الانبساط