النهارده في القاهرة: عشاق الأفلام والمسرح.. السهرة سهرتكم
Cairo 360
في كل حتة في القاهرة لازم تلاقي مكان مناسب لخروجة، أو سهرة حلوة. وده اللي بنعرفه دايمًا من أجندة كايرو 360:
بلكون هليوبوليس في مصر الجديدة هتعرض فيلم “Lion“. اللي بيدور عن طفل هندي بيتوه من عائلته وهو صغير. وبتتبناه عائلة استرالية. وبعد 25 سنة، بيبدأ رحلة البحث عن أهله الحقيقيين. الفيلم اترشح لـ 6 جوائز أوسكار. العرض هيكون الساعة 8 مساءً. وسعر التذكرة: 25 جنيه.
فرقة حسين محمود للفنون المسرحية، هتقدم عرض “الرخص كله” على مسرح الهوسابير، في وسط البلد. العرض هيبدأ الساعة 8 مساءً. وسعر التذكرة: 25 جنيه.
على مسرح الفلكي في الجامعة الأمريكية، هيكون ميعادنا مع عرض مسرحي تاني بعنوان “التجربة الدنماركية” لفرقة عالم موازي. المسرحية بتدور في شكل كوميدي، عن شاب بيسعى لتحقيق حلمه في الفن. لكنه بيصطدم بالواقع وبيلاقي حلمه بيضيع. العرض هيبدأ الساعة 7 مساءً. وسعر التذكرة: 50 – 60 – 70 جنيه.
أما سينما مجنوليا في الزمالك، هتعرض الفيلم الروماني “Graduation“. والفيلم بيدور عن طبيب بيخطط لدراسة بنته في الخارج. ولما بتيجي لها فرصة مناسبة، بتتعرض لاعتداء. ويبقى شاغل باله حل مشكلة بنته. العرض هيكون الساعة 7 مساءً. والدخول مجانًا.
يومكم بيضحك.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
