The Definitive Guide to Living in the Capital , Cairo , Egypt

دايمًا بنبدأ أسبوع جديد وإحنا فريش، علشان بنفصل من الشغل في الويك إند. لكن على عكس الشغل، أجندة كايرو 360 مابتفصلش خالص. تعالوا نشوف جايبة لنا إيه:

على مسرح الحكمة في ساقية الصاوي، ميعادنا مع تشكيلة غنائية مميزة. خلطة كده من أغاني الجاز والروك والفلامنكو، على أغاني الفلكلور والموسيقى الشرقية. الخلطة دي هتقدمها الفنانة شيرين عبده ومشروع سرور. الحفلة هتبدأ الساعة 7 مساءً. وسعر التذكرة: 30 – 35 جنيه.

وفي ييلو أمبريلا في المعادي، حفلة غنائية تانية، بتحييها “عليا خالد” و”أدهم رسلان”. الحفلة هتبدأ الساعة 8 مساءً. وسعر التذكرة: 50 جنيه.

الفنانة “منى واصف” هتحيي حفلة موسيقية بآلة الهارب على المسرح الصغير في دار الأوبرا المصرية. وبتقدم فيها مجموعة من أشهر الأعمال الكلاسيكية. الحفلة هتبدأ الساعة 8 مساءً. وسعر التذكرة: 35 جنيه.

سينما دال في جاردن سيتي، هتعرض فيلم “Chinatown”. واللي بيدور عن محقق بيحاول القبض واحدة من فتيات الليل، لكنه بيتورط في عالم من الفساد وجرايم القتل. العرض هيبدأ الساعة 8:30 مساءً. والدخول مجانًا.

انبسطوا على قد ما تقدروا.