الحياة في كايرو
النهارده في القاهرة: حفلات بطعم الحب في دار الأوبرا والساقية
خروجات، حفلات، النهارده في القاهرة
بواسطة
Cairo 360
النهارده في القاهرة هتحصل أحداث فنية وثقافية حلوة، اختاروا منها اللي يعجبكم.
النجم مدحت صالح هيحيي حفلة عيد الحب، على المسرح الكبير في دار الأوبرا. وهيكون بصحبته فرقة عبد الحليم نويرة للموسيقى العربية. الحفلة هتبدأ الساعة 8 مساءً. وسعر التذكرة: 150 – 250 – 350 جنيه.
وفي ساقية الصاوي هيكون فيه حفلة تانية بمناسبة عيد الحب، هتحييها فرقة فابريكا على مسرح النهر. الحفلة هتبدأ الساعة 8 مساءً. سعر التذكرة: 50 جنيه.
أما سيما دكة، اللي بتقدمها لنا دكة أضف، فهتعرض فيلم “The Edge Of Seventeen“. وده كوميديا بتدور عن بنت في مرحلة المراهقة حياتها بتاخد شكل مختلف، لما صديقتها المقربة تبدأ تحب أخوها. العرض هيبدأ الساعة 7 مساءً. الدخول مجانًا.
سهرة سعيدة.
